Bakı, AzerVoice
Formula 1 Azərbaycan Qran Prisi 2024 çərçivəsində Formula 1 komandalarının üçüncü sərbəst yürüşləri zamanı bolidlərin biri qəza törədib.
AzerVoice-in məlumatına görə, Haas" komandasının pilotu Oliver Berman bolidi səddə çırpılıb.
Xatırladaq ki, Formula 1 Azərbaycan Qran Prisi 2024 start götürüb. 13-15 sentyabr tarixlərində keçiriləcək yarışın 1-ci günündə Formula 1 və Formula 2 komandalarının sərbəst yürüşləri və sıralama turu keçiriləcək.
Yarışın 2-ci günü, yəni sentyabrın 14-də Formula 1 komandalarının 3-cü sərbəst yürüşü, sıralama yürüşü və Formula 2 komandalarının qısa sprint yarışları baş tutacaq.
Əsas yarışlar isə sentyabrın 15-də keçiriləcək və Formula 1 və Formula 2 üzrə qaliblər müəyyən ediləcək.
Xatırladaq ki, Formula 1 Azərbaycan Qran Prisi 2017-ci ildən Bakıda şəhər trekində keçirilir. Bu günə qədər Bakı trekində 7 dəfə Formula 1 Azərbaycan Qran Prisi baş tutub.
