İsrail ordusu, Livanın cənubuna hava hücumları təşkil etdiyini açıqlayıb. Ordunun yaydığı açıqlamada hücumlar nəticəsində 3 Hizbullah üzvünün öldürüldüyü iddia olunub. Yaxın Şərqdəki ölkələrin suverenlik hüquqlarını pozan hücumları ilə reaksiyalara səbəb olan İsrail, bir daha Livanı hədəf alıb. İsrail Müdafiə Qüvvələri (IDF) tərəfindən verilən açıqlamada, Livanın cənubundakı Kafra bölgəsinə təşkil olunan hava hücumu nəticəsində Hizbullahın yerli nümayəndəsi kimi fəaliyyət göstərən 1 şəxsin öldürüldüyü iddia edilib.

Qəzzada İsrailin “mustaribun” adlanan xüsusi qüvvələrinin fəaliyyəti artmaqdadır. Bu qüvvələr yaşayış məhəllələrinin dərinliklərinə daxil olaraq fələstinliləri oğurlayır. Oğurlananlar arasında HƏMAS və digər qruplaşmalara mənsub şəxslər, həm də mülki şəxslər var.

"Demokratik Güclər" adı altında gizlənən və ABŞ tərəfindən dəstəklənən terror qruplaşması ilə Suriya hökumət qüvvələri arasında toqquşma qaçılmazdır". Bunu Qaynarinfo-ya açıqlamasında siyasi şərhçi Rufiz Hafizoğlu kürdlərin rəhbərlik etdiyi terrorçu Suriya Demokratik Qüvvələrinin (SDQ) bölmələri ilə Suriya ordusu arasında baş verən insidenti şərh edərkən deyib. Ekspert bildirib ki, Suriya ilə İsrail arasında detalları açıqlanmayan danışıqlar gedir:

İsrail ordusunun Qəzza zolağının müxtəlif bölgələrinə təşkil etdiyi son hücumlarda 10 fələstinli həlak olub. Xəstəxana mənbələri və hadisə şahidlərinin verdiyi məlumata görə, İsrail ordusu bu gün səhər saatlarından etibarən Qəzza zolağında köç etməyə məcbur edilən fələstinlilərin sığındığı çadır və evlərlə yanaşı, mülki şəxslərin toplandığı əraziləri də hədəfə alıb. İsrailə məxsus pilotsuz uçuş aparatı Qəzza şəhərinin qərbində yerləşən Ənsar qovşağı yaxınlığını hədəfə alıb və nəticədə bir uşaq həyatını itirib. Eyni zamanda şəhərin müxtəlif məhəllələrində şiddətli bombardmanlar və ardıcıl partlayışlar baş verib.

İsrail ordusu, işğal altındakı Qərb Sahilində Fələstinli səhiyyə heyətinə hücum edib. Fələstin Qırmızı Aypara Cəmiyyəti, İsrailin Cenin şəhərindəki təcili yardım heyətinə hücum edib onları saxladığını açıqladı. Fələstin Qırmızı Aypara Cəmiyyəti bildirib ki, İsrail ordusu, Qərb Sahilinin şimalında, Cenin şəhərinin qərbində yerləşən Yamun qəsəbəsində humanitar vəzifələrini yerinə yetirən təcili yardım heyətinə hücum edib, onları döyüb və təcili yardım avtomobilini saxlayıb.

Qəzzədəki Fələstin Səhiyyə Nazirliyindən verilən açıqlamada, İsrail ordusunun bölgəyə tətbiq etdiyi aclıq böhranı nəticəsində itirilən həyatlar barədə ən son məlumatlar paylaşılıb. Açıqlamada qeyd olunur ki, İsrail blokadası və hücumları altında olan Qəzzada son 24 saat ərzində 2 nəfər aclıq və qidalanma çatışmazlığı səbəbiylə həyatını itirib. 7 oktyabr 2023‑dən bu yana Qəzzada aclıqdan ölənlərin sayı 455 nəfərə çatıb ki, bunların 151‑i uşaqlardır. Eyni zamanda, Birləşmiş Millətlər (BMT) tərəfindən dəstəklənən İnteqrə Ərzaq Təhlükəsizliyi Aşama Təsnifatı (IPC) modelinə görə, Qəzza şəhərində 22 avqust tarixindən etibarən aclğın elan edildiyi müddət ərzində aclıq və ciddi qidalanma çatışmazlığı səbəbiylə 36‑sı uşaq olmaqla 177 nəfər həyatını itirib.

İsrail ordusunun sözçüsü Avihay Adrai “X” platformasında paylaşımında “Cənub bölgəsindən hərəkət üçün ər-Rəşid küçəsi yerli vaxtla saat 12:00-da bağlanacaq. Qəzzə şəhərini tərk edə bilməyənlər üçün cənuba hərəkət imkanı açıq qalacaq. Bu mərhələdə Müdafiə Ordusu cənuba keçidi sərbəst və yoxlamasız şəkildə təmin edir.”-deyə yazıb.

Kolumbiya Prezidenti Qustavo Petro ABŞ prezidenti Donald Trampı Qəzzadakı qırğınlarda iştirakına görə ittiham edib. Petro jurnalistlərə açıqlamasında Roma Statutuna istinad edərək qeyd edib ki, insanlığa qarşı cinayətlərə görə beynəlxalq hüquq çərçivəsində istənilən şəxs məsuliyyət daşıya bilər.

Bugün baş verən hadisələrin xronoloji xülasəsini təqdim edirik

İsrailin hücumları və tətbiq etdiyi blokada səbəbilə aclıq yaşanan Qəzza zolağında indiyədək 453 fələstinlinin aclıqdan həyatını itirdiyi bildirilib. Qəzzadakı Fələstin Səhiyyə Nazirliyi tərəfindən yayılan yazılı açıqlamada, İsrail ordusunun bölgəyə tətbiq etdiyi aclıq siyasətinin səbəb olduğu insan tələfatı ilə bağlı son məlumatlar paylaşılıb. Bəyanata əsasən, 7 oktyabr 2023-cü ildən bu günədək aclıq səbəbilə həyatını itirənlərin sayı 150-si uşaq olmaqla 453 nəfərə yüksəlib.

İsrailin Baş naziri Benyamin NetanyahuABŞ Prezidenti Donald Tramp ilə dünən Ağ Evdə keçirdiyi görüşdən sonra açıqlama verib. Baş nazir özünün “Telegram” hesabında yayımladığı videomüraciətdə deyib: “Xeyr, qətiyyən. Bu, razılaşmada yer almır. Biz tam aydın şəkildə bildirmişik ki, Fələstin dövlətinə qəti surətdə qarşıyıq.”

Yəmən silahlı qüvvələri İsrailin Tel-Əviv şəhərində yerləşən bir neçə strateji obyektə hərbi əməliyyat həyata keçirib. Səriə bildirib ki, bu hücum İsrailin Qəzzadakı “soyqırım xarakterli” əməliyyatlarına və Yəmənə endirilən zərbələrə cavab olaraq icra olunub. Onun sözlərinə görə, əməliyyat uğurla başa çatıb və milyonlarla israilli sığınacaqlara üz tutmağa məcbur olub.

İsrail ordusunun Qəzza zolağının müxtəlif bölgələrinə həyata keçirdiyi son hücumlar nəticəsində daha 23 fələstinli həlak olub. Səhiyyə mənbələrinin və hadisə şahidlərinin verdiyi məlumata görə, İsrail ordusu bu gün səhər saatlarında Qəzzanın mərkəzi, şimal və cənub hissələrində hücumlar həyata keçirib. İsrail hərbçiləri, həmçinin Qəzza və Xan Yunis şəhərlərində yerləşən məhəllələrə pilotsuz və bombalı quru vasitələri ilə hücum edib.

İsrail ordusu Qəzzanın qərbində yerləşən Nasr məhəlləsindəki əl-Hılu xəstəxanasını iki dəfə artilleriya atəşinə tutub, təxminən 100 tibb işçisi və xəstənin xəstəxanada mühasirədə qaldığı bildirilib. Qəzzadakı Hökumətin Media Ofisinin rəhbəri İsmayıl əs-Səvabtə Anadolu Agentliyinə verdiyi açıqlamada bildirib ki, İsrail ordusunun top atəşi ilə hədəf aldığı əl-Hılu xəstəxanasının internet bağlantısı kəsilib və xəstəxanada qalan 100-ə yaxın tibb işçisi ilə xəstə böyük qorxu içindədir. Sağlamlıq mərkəzlərinə edilən hücumların "insanlığa qarşı cinayət və müharibə cinayəti" olduğunu vurğulayan Səvabtə əlavə edib ki, 7 oktyabr 2023-cü ildən etibarən İsrailin Qəzza Zolağına başlatdığı hücumlar nəticəsində 38 xəstəxana fəaliyyətini dayandırıb, 96 səhiyyə mərkəzi hədəf alınıb və 197 təcili yardım maşını məhv edilib.

İsrail dövlət televiziyası KAN, İsrail ordusunun Qəzza zolağına humanitar yardım aparmaq üçün yola çıxan və Aralıq dənizində hərəkətini davam etdirən “Azadlıq Flotiliyası”na müdaxilə etməyə hazırlaşdığını bildirib. Onlarla gəmindən ibarət flotiliya dörd gün ərzində Qəzzaya çatacaq.

İsrail qüvvələri Qəzza şəhərinin böyük hissəsinə nəzarəti ələ keçirib.İsrail Müdafiə Ordusu (ÇAXAL) Qəzza şəhərinin yarısından çoxuna nəzarət edir və 800 min sakin bölgəni tərk edib", - deyə bildirilib.

İsrail ordusunun Qəzza zolağına endirdiyi hücumlar nəticəsində daha bir fələstinli jurnalist həyatını itirib. Qəzzadakı hökumətin Media Ofisinin yaydığı yazılı açıqlamada bildirilib ki, İsrail ordusu Qəzza zolağının mərkəzində yerləşən Deyr əl-Bəlah şəhərində bir çadıra hava hücumu həyata keçirib. Nəticədə, Fələstin Media Mərkəzinin əməkdaşı, jurnalist Məhəmməd əd-Daye həlak olub. Açıqlamada qeyd olunur ki, 7 oktyabr 2023-cü ildən bu günədək Qəzzada öldürülən jurnalistlərin sayı 252-yə çatıb.

İsrail ordusunun Qəzza zolağının müxtəlif bölgələrinə endirdiyi son hücumlarda, aralarında humanitar yardım gözləyənlərin də olduğu 24 fələstinli həyatını itirib. Hadisə şahidlərinin və səhiyyə mənbələrinin verdiyi məlumata görə, İsrail ordusu Qəzza zolağının şimal, mərkəz və cənub hissələrində mülki əraziləri və guya “humanitar yardım paylama mərkəzlərini” hədəfə alıb. İsrail ordusu gecə boyunca Qəzzanın şimal bölgəsini intensiv bombardman edib. Hücumlar nəticəsində çoxsaylı binalar tamamilə dağıdılıb.

İsrail ordusu, işğal məqsədilə başladığı quru hücumlarına paralel olaraq, Qəzza zolağına hava bombardmanlarını da intensivləşdirib. Son 24 saat ərzində 140-dan çox hava hücumu həyata keçirilib. Hücumlar, aclıq və qırğınlara baxmayaraq, torpaqlarını tərk etmək istəməyən fələstinlilərin sığındığı Qəzza şəhərində xüsusilə sıxlaşıb. İsrail ordusu, bölgədə yaşayan fələstinliləri qırğınlarla şimala və cənuba doğru köçməyə məcbur edir. Qəzza şəhəri həm hava, həm də quru əməliyyatları ilə bombalanır. Buna baxmayaraq, yüz minlərlə fələstinli şəhərdə qalmağa davam edir. İsrailin hücumları yalnız Qəzza şəhəri ilə məhdudlaşmayıb, həmçinin Qəzza zolağının orta və cənub hissələrində də davam etməkdədir.

İsrail ordusu işğal altında olan İordan çayının qərb sahilinin şimalında bir evi mühasirəyə alaraq 2 fələstinlini qətlə yetirib. Fələstinin rəsmi xəbər agentliyi WAFA-nın verdiyi məlumata görə, İsrail əsgərləri gecə saatlarında qərb sahilində yerləşən Tuba şəhərinə bağlı Tammun qəsəbəsində bir evi mühasirəyə alıblar. Əsgərlərin bölgəyə snayperlər yerləşdirdiyi və mühasirəyə aldıqları evə atəş açdığı bildirilir. Hücum nəticəsində iki fələstinli həyatını itirib.

İsrailin təcili yardım xidməti olan Qızıl Davud Yıldızından verilən açıqlamaya görə, Yemen'dən atılan partlayıcı yüklü insansız hava vasitəsinin (İHA) İsrailin ən cənubundakı Eylat şəhərini vurması nəticəsində yaralananların sayı artıb. Açıqlamada, hadisə nəticəsində 2-si ağır olmaqla 1-i orta və 17-si yüngül olmaqla, ümumilikdə 20 nəfərin şarapnel yarası aldığı bildirilib. Yaralılar, müalicə üçün Yoseftal Xəstəxanasına aparılıb.

İsrail ordusu Qəzzanın cənubundakı Tel əl-Heva məhəlləsində yerləşən Fələstin Tibbi Yardım Assosiasiyasının (PMRS) baş ofisini hədəf alıb. Qurum xatırladıb ki, iki gün əvvəl də Qəzzanın şərqindəki Derec məhəlləsində yerləşən başqa bir tibb mərkəzi İsrail hücumuna məruz qalmışdı. Son hücum isə assosiasiyanın ilk yardım fəaliyyətini tamamilə dayandırıb.

İsrail ordusunun Qəzza zolağının müxtəlif bölgələrinə endirdiyi hücumlar nəticəsində azı 7 fələstinli həlak olub. Hücumlarda əsas hədəflər yenə də sivil əhali, qaçqınların sığındığı çadırlar, yaşayış binaları və mülki nəqliyyat vasitələri olub. Xəstəxana mənbələrinin və görən şahidlərin məlumatına görə, Qəzza şəhərinin mərkəzində yerləşən Ömər əl-Muxtar küçəsindəki Haccac binasına hava zərbəsi endirilib. Bu hücum nəticəsində 4 nəfər ölüb, çox sayda insan yaralanıb, onlarca nəfərin enkaz altında qaldığı bildirilir.

İsrailin müdafiə naziri İsrael Katz Suriyanın işğal altında saxlanılan Hermon dağından paylaşım edərək bölgədən geri çəkilməyəcəklərini açıqlayıb. İsrail ordusu, Suriyada Bəşşar Əsəd rejiminin devrilməsindən sonra qurulan yeni hakimiyyətə qarşı əməliyyatlara başlayıb. Bu əməliyyatlar nəticəsində sərhəd xəttində yerləşən bir sıra bölgələr işğal edilib. Onların arasında hərbi-strateji baxımdan xüsusi əhəmiyyətə malik Hermon dağı da var.