Rabitə, Kosmos və Texnologiyalar Komissiyası (CST) tərəfindən təqdim olunan “Səudiyyə İnterneti 2025” hesabatının beşinci nəşrinə əsasən, Səudiyyə Ərəbistanında mobil internetin orta sürəti keçən ilki 203 Mbit/s göstəricisindən 216 Mbit/s-ə yüksəlib. Krallığın genişlənən rəqəmsal infrastrukturu sayəsində əldə olunan bu artım Səudiyyə Ərəbistanını bu göstərici üzrə “G20” ölkələri arasında ilk beşlikdə yerləşdirib.
Rabitə, Kosmos və Texnologiyalar Komissiyası (CST) tərəfindən təqdim olunan “Səudiyyə İnterneti 2025” hesabatının beşinci nəşrinə əsasən, Səudiyyə Ərəbistanında mobil internetin orta sürəti keçən ilki 203 Mbit/s göstəricisindən 216 Mbit/s-ə yüksəlib. Krallığın genişlənən rəqəmsal infrastrukturu sayəsində əldə olunan bu artım Səudiyyə Ərəbistanını bu göstərici üzrə “G20” ölkələri arasında ilk beşlikdə yerləşdirib.
Hesabatda qeyd olunur ki, adambaşına düşən aylıq mobil internet məlumatı istifadəsi 53 QB-a çatıb ki, bu da qlobal ortalama göstəricidən təxminən üç dəfə çoxdur. 5G şəbəkələrində median yükləmə sürəti 320 Mbit/s, mobil internetin median gecikmə müddəti (latency) isə 24 millisaniyə təşkil edib.
“Ookla” göstəricilərinin təhlilinə əsasən, sabit internet sektorunda median yükləmə sürəti əvvəlki ildəki 120,4 Mbit/s göstəricisindən 151 Mbit/s-ə qalxıb. Sabit internetdə median ötürmə (upload) sürəti 73 Mbit/s, median gecikmə müddəti isə 8 millisaniyə olub.
Sənəddə həmçinin bildirilir ki, Krallıqda ümumi internet məlumat trafiki 69 milyon terabayta çatıb. Bu trafikin 56 faizini daxili, 44 faizini isə beynəlxalq trafik təşkil edib. Eyni zamanda, mobil və sabit internet şəbəkələrinin hər biri ümumi məlumat trafikinin 50 faizini təmin edib.
Ərazi bölgüsünə gəldikdə, daxili internet trafikində ən böyük payı 30,6 faizlə Ər-Riyad vilayəti tutub. Ondan sonra 20,5 faiz göstərici ilə Məkkə vilayəti, 16,8 faizlə isə Şərq vilayəti qərarlaşıb.
Hesabat göstərir ki, istifadəçilərin 67 faizi İnternet Protokolunun 6-cı versiyasını (IPv6) aktivləşdirib. Səudiyyə Ərəbistanının Avtonom Sistem Nömrələrinin (ASN) sayı isə 200-ə yaxınlaşıb. Bu göstəricilər Krallığın rəqəmsal infrastrukturunun davamlı inkişafını və rəqəmsal xidmətlərin sürətli artımına uyğunlaşmaq imkanlarını əks etdirir.
Məlumat üçün bildirək ki, Səudiyyə Ərəbistanı Beynəlxalq Telekommunikasiya İttifaqı (ITU) tərəfindən dərc olunan “2026 İKT İnkişafı İndeksi”ndə dünya üzrə 159 iqtisadiyyatı geridə qoyaraq birinci yerdə qərarlaşıb.