Bakı, AzerVoice

Səudiyyə Ərəbistanı Ciddədə dəniz tısbağalarının qorunması üzrə qlobal simpoziuma ev sahibliyi edəcək.

AzerVoice ArabAZ-a istinadən xəbər verir ki, simpozium noyabrın 3-dən 6-dək Ciddədə keçiriləcək

Simpoziumda nəsli kəsilməkdə olan dəniz tısbağası növlərinin qorunması və dəniz biomüxtəlifliyinin qorunmasına yönəlmiş 30-dan çox yerli və beynəlxalq ekspert və tədqiqatçı bir araya gələcək.

Qırmızı Dənizdə Mərcan Rifləri və Tısbağaların Mühafizəsi üzrə Baş Təşkilatın (SHAMS) təşkil etdiyi simpoziumda ən son elmi araşdırmalar, dəniz tısbağalarının mühafizəsi üçün innovativ həllər və beynəlxalq əməkdaşlıq strategiyalarına dair təqdimatlar və panel müzakirələri keçiriləcək.

Krallığın Ekologiya, Su və Kənd Təsərrüfatı Nazirliyi bəyanatında simpoziumun effektiv mühafizə strategiyalarını idarə etmək və Qırmızı dənizin unikal dəniz ekosisteminin davamlı gələcəyini təmin etmək üçün platforma kimi əhəmiyyətini vurğulayıb.

Nazirlikdən verilən məlumata görə, bu tədbir Qırmızı dənizdə dəniz növlərinin və onların təbii yaşayış yerlərinin davamlı şəkildə qorunmasını dəstəkləməklə yanaşı, dəniz ətraf mühitinin mühafizəsi sahəsində Səudiyyə Ərəbistanının mövqeyini gücləndirəcək.