Bakı. AzerVoice:

Qazaxıstanda bütün dövlət xidmətlərinin 92%-i onlayn şəkildə təqdim olunur və onların 85%-nə mobil telefonlar vasitəsilə daxil olmaq mümkündür.

AzerVoice-un məlumatına görə, bunu Qazaxıstanın rəqəmsal inkişaf, innovasiya və aerokosmik sənaye naziri Bağdat Mussin fevralın 28-də nazirliyin geniş iclasında çıxışı zamanı deyib.

Keçən ilin nəticələri haqqında məlumat verən Mussin ipoteka almaq, daşınmaz əmlak alqı-satqısı, avtomobillərin leqallaşdırılması və rəqəmsal notarius kimi bir çox yeni rəqəmsal xidmətlərin istifadəyə verildiyini bildirib.

Nazirin sözlərinə görə, bu il üçün ölkədə həyata keçirilməsi nəzərdə tutulan planlar arasında bir verilənlər bazası, superkompüter yaradılması varş

Bununla yanaşı, böyük qazax dili modelinin yaradılması üzrə elmi tədqiqatlar da Milli Süni İntellekt (AI) Platformasında birləşdirilməsi hədəflənir.

O əlavə olaraq qeyd edib ki, hazırda ölkənin Ali Təhsil və Elm Nazirliyi ilə birlikdə Qazaxıstanın üç universitetində xarici universitetlərlə əməkdaşlıq çərçivəsində süni intellekt fənləri tətbiq edilir.