Bakı. AzerPress:
Növbədənkənar Azərbaycan Respublikası Prezidenti seçkiləri ilə əlaqədar bu gün Mərkəzi Seçki Komissiyasının (MSK) iclası keçiriləcək.
Bu barədə AzerPress-ə Mərkəzi Seçki Komissiyasından məlumat verilib.
Qeyd edək ki, Prezident İlham Əliyev növbədənkənar Azərbaycan Respublikası Prezidenti seçkilərinin elan edilməsi barədə sərəncam imzalayıb.
Trend xəbər verir ki, sərəncama əsasən, Azərbaycan Respublikasının Mərkəzi Seçki Komissiyası növbədənkənar Azərbaycan Respublikası Prezidenti seçkilərinin 2024-cü il fevralın 7-nə təyin olunmasını və Azərbaycan Respublikasının Seçki Məcəlləsində müəyyən edilmiş qaydada keçirilməsini təmin etməlidir.
