Bakı. AzerVoice:
Azərbaycanda bütün seçki məntəqələrində bələdiyyə seçkiləri ilə əlaqədar səsvermə saat 19:00-da başa çatıb.
AzerVoice xəbər verir ki, seçkilərin yekununda 118 seçki dairəsində 685 bələdiyyəyə 8 071 bələdiyyə üzvü seçiləcək.
Bələdiyyə seçkilərində səsvermə keçirilən seçki məntəqələrinin sayı 5 846-dır. Bunlardan 5 734-ü daimi, 112-si müvəqqəti məntəqələrdir.
Seçkidə səsvermə hüququ olan 5 961 987 seçici iştirak etmə hüququ olub.
Bələdiyyə seçkilərində 16 092 namizədin adı seçki bülletenlərinə daxil edilib.
16 092 namizədin 8 424-ü 23 siyasi partiya tərəfindən irəli sürülənlərdir. Namizədlərin 8 504-ü 24 siyasi partiya mənsubları, 7 588-i bitərəflərdir. Namizədlərin təqribən 31%-i qadınlar, təqribən 82%-i ali təhsillidir.
Bələdiyyə seçkilərində MSK və dairə seçki komissiyalarında ümumilikdə 70 625 müşahidəçi akkreditasiyadan keçib. Müşahidəçilərdən 26 260-ı 24 siyasi partiya tərəfindən təqdim olunan müşahidəçilərdir.
Bələdiyyə seçkilərində mübarizə aparan namizədlərin təqribən 41%-i 21-35 yaş arasında olanlardır.
1000 seçki məntəqəsində veb-kameralar quraşdırılıb.
