BAKI,VOA, Fərid Mikayılov
BMT-nin tərkibində fəaliyyət göstərən Ümumdünya Səhiyyə Təşkilatı regionda ABŞ və İsrailin İranın nüvə obyektlərinə endirdiyi zərbələrin nəticələrini izləyir və mümkün nüvə fəlakətinə hazırlaşır.
VOA xəbər verir ki, təşkilatın nümayəndəsi Hanan Balxi bildirib ki, ən pis ssenari nüvə insidentidir və bu, qlobal səviyyədə uzunmüddətli ağır nəticələrə səbəb ola bilər.
Onun sözlərinə görə, belə bir hadisənin qarşısını tam şəkildə almaq mümkün deyil və təsirləri onilliklər boyu davam edə bilər.
Məlumata görə, regionda gərginliyin artması beynəlxalq təşkilatları fövqəladə vəziyyət ssenarilərinə hazırlaşmağa vadar edir.
Qeyd edək ki, ABŞ Prezidenti Donald Tramp daha əvvəl İranın nüvə proqramına qarşı həyata keçirilən əməliyyatların daha böyük müharibənin qarşısını aldığını iddia etmişdi. O, bu addımın İranın nüvə silahı əldə etməsinin və regiona zərbə endirməsinin qarşısını aldığını vurğulamışdı.