BAKI, AzerVoice
Azərbaycan və İran arasında mədəniyyət və incəsənət sahəsində əməkdaşlığın önəmi müzakirə olunub.
Bu barədə AzerVoice Azərbaycanın İrandakı səfirilyinə istinadən məlumat verib.
Məlumata görə, Azərbaycanın İrandakı səfiri Əli Əlizadə İranın mədəniyyət və islami irşad naziri Seyid Abbas Salehi ilə görüşüb.
Görüşdə hər iki ölkənin xalqlarının ortaq tarixi, mənəvi və mədəni bağlılığının əlaqələrin möhkəmləməsinə verdiyi töhfə vurğulanaraq, mədəniyyət və incəsənət sahəsində əməkdaşlığın önəmi qeyd olunub.
Qarşılıqlı olaraq mədəniyyət günlərinin hər iki ölkənin paytaxt və regionlarında keçirilməsi, müştərək sərgilərin, konfransların, səfərlərin təşkil olunması, dini, tarixi-mədəni abidələrinin qorunması və digər müştərək layihələrin icrası istiqamətində fikir mübadiləsi aparılıb.