BAKI,AzerVoice

Yeni yayımlanan “Qlobal Rifah Çalışması” adlı araşdırma dünya üzrə gənclərin rifah səviyyəsinin gözlənildiyi qədər yüksək olmadığını ortaya qoyub.

Araşdırma, maddi zənginliyin xoşbəxtlik və rifahı tam açıqlaya bilmədiyini göstərir. Fiziki sağlamlıq, xoşbəxtlik, mənəvi dəyər, xarakter, münasibətlər, maliyyə təminatı və mənəvi rifah kimi yeddi əsas sahədə ölçülən bu göstəricilər rifahın daha geniş və kompleks bir mənzərəsini təqdim edir.

22 ölkədə 200 mindən çox iştirakçı ilə aparılan araşdırmada İndoneziya ən yüksək rifah göstəricisinə sahib olub, İsrail və Filippinlər onu izləyib. Siyahının sonunda isə Yaponiya, Türkiyə və İngiltərə yer alıb.

Harvard Universitetindən Tyler Vandervele qeyd edib ki, zəngin ölkələr maliyyə təminatı və həyat qiymətləndirilməsində yüksək olsa da, mənəvi dəyər, münasibətlər və sosial xarakter kimi sahələrdə aşağı ballar əldə ediblər.

Bu nəticələr ənənəvi olaraq Avropa ölkələrinin üstünlük təşkil etdiyi Dünya Xoşbəxtlik Hesabatı ilə fərqlənir. Məsələn, İsveç bu yeni araşdırmada ABŞ və Cənubi Afrika arasında orta sıralarda yer alıb. Fərqlilik ölçüm metodlarından qaynaqlanır, yeni araşdırma daha geniş sosial və mənəvi aspektləri nəzərə alır.

Araşdırmada evli və yüksək təhsilli şəxslərin daha yüksək rifah səviyyəsi bildirdiyi, bəzi ölkələrdə isə fərqli nümunələrin müşahidə olunduğu qeyd olunub.