Bakı, VOA
İngiltərənin Koventri şəhərində 7 aylıq körpə ailəsinə məxsus itin dişləməsi nəticəsində ölüb.
VOA xəbər verir ki, West Midlands polisinin verdiyi açıqlamaya görə, iyunun 16-da təhlükəli it cinsindən hesab edilməyən bir İngilis ailəsinin evdə bəslədiyi it ailənin körpəsini başından dişləyib. 7 aylıq körpə ağır yaralanıb.
Xəstəxanaya çatdırılan körpə dünyasını dəyişib.
Polis itin elə həmin gün humanist şəkildə məhv edildiyini (iynə ilə öldürüldüyünü) açıqlayıb.
