BAKI, AzerVoice
Yunanıstanın Krit adasının cənubunda meşə yanğınlarının yayılması səbəbindən təxminən 5 min turist təxliyə edilib.
Bu barədə AzerVoice yunan KİV-ə istinadən xəbər verir.
Məlumata görə, 230 yanğınsöndürən helikopter və xüsusi texnikalardan istifadə edərək, adanın cənub sahilində yerləşən İerapetra şəhəri ətrafında yanğının qarşını almğa çalışır. Yanğınların genişlənməsinin qarşısını almaq üçün əlavə polis və sahil mühafizəsi qüvvələri də cəlb olunub.
Yanğınsöndürmə xidmətinin rəsmi nümayəndəsi Vasilis Vatrakogianis bildirib ki, İyul ayı həmişə ilin ən isti ayı olub, və bu ay tez-tez güclü küləklər əsir. Bu faktorlar meşə yanğınlarının yayılmasına səbəb olur.
İqlim dəyişiklikləri son illərdə Yunanıstanda yanğınların intensivliyinin artmasına səbəb olub. 2018-ci ildə Yunanıstanın Mati şəhərində baş vermiş böyük yanğın nəticəsində 100-dən çox insan həlak olmuşdu.