BAKI, AzerVoice

Avropa Komissiyası (AK) ABŞ-ın polad idxalına tətbiq etdiyi rüsumları 25%-dən 50%-ə qədər artırmaq qərarının qlobal qeyri-müəyyənliyi daha da artıracaq və Avropa İttifaqı (Aİ) ilə ABŞ arasında ticarət müharibəsindən yayınmaq məqsədilə aparılan danışıqları zəiflədəcək.

AzerVoice xəbər verir ki, bu barədə komissiyanın mətbuat xidmətinin yaydığı bəyanatda deyilir.

“AK ABŞ-ın polad idxalına tətbiq etdiyi rüsumları 25 faizdən 50 faizə artırmaq qərarına dərin təəssüfünü bildirir. Bu qərar Atlantik okeanının hər iki sahilində istehlakçı və biznes üçün xərcləri yüksəldir. Eyni zamanda, bu addım Avropa İttifaqının danışıqlar yolu ilə həllə nail olmaq səylərini zəiflədir” - deyə, bəyanatda bildirilib.

Qeyd edək ki, ABŞ Prezidenti Donald Tramp cümə günü bildirib ki, ABŞ-a idxal olunan polad və alüminium üçün 50 faizlik tariflər iyunun 4-dən qüvvəyə minəcək. Daha əvvəl Avropa Komissiyası ABŞ-ın tətbiq etdiyi tariflərin Avropa İttifaqından ABŞ-a ixrac edilən məhsulların 70 faizinə təsir etdiyini açıqlamışdı.