BAKI, AzerVoice
Kolumbiyanın qərbində tələbələri daşıyan avtobus körpü məhəccərinə çırpılıb.
AzerVoice xəbər verir ki, bu barədə tələbələrin təhsil aldığı Aleksandr fon Humbolt Universiteti məlumat yayıb.
Məlumata görə, qəza nəticəsində azı 10 nəfər həyatını itirib.
“Avtobusda 22 tələbə, iki müəllim və universitetimizin kommunikasiya şöbəsinin bir əməkdaşı olub” - deyə, Universitetin rektoru Dieqo Xaramillo Lopes bildirib.
Universitet həyatını itirənlərin siyahısını dərc edib. Siyahıda yeddi tələbə və üç universitet əməkdaşı yer alıb. "Caracol" telekanalının məlumatına görə, qurbanlardan səkkizi tələbə olub.