Bakı, AzerVoice
Avropa İttifaqı (Aİ) ölkələrinin xarici işlər nazirləri cari hadisələri qiymətləndirmək üçün bir araya gəlib.
AzerVoice xəbər verir ki, Aİ ölkələrinin xarici işlər nazirləri Ukrayna, Yaxın Şərq və Venesuela kimi qlobal məsələləri müzakirə etmək üçün Belçikanın paytaxtı Brüsseldə görüş təşkil ediblər. Görüşə Aİ-nin Xarici İşlər və Təhlükəsizlik Siyasəti üzrə Ali Nümayəndəsi Josep Borrell sədrlik edir.
İclasın girişində Borrell Ukraynanın xarici işlər naziri Dmitro Kuleba ilə birgə mətbuata açıqlamalar verib.
Dondurulan 1,4 milyard avroluq Rusiya varlıqlarının Ukraynaya və bu ölkəyə hərbi dəstək verən ölkələrə göndərildiyini açıqlayan Borrell, Ukraynanın müdafiə gücünü artırmaq üçün ilk dəfə belə bir addım atıldığına bildirib.
Borrell həmçinin bildirib ki, Ukraynaya hava hücumundan müdafiə vasitələrinin verilməsi prioritet məsələ olaraq qalır.
Qeyd edək ki Ukrayna Qərb ölkələrinə məxsus silahlardan Rusiya daxilindəki qanuni hədəflərə qarşı istifadə etmək istədiyini bildirmişdi. Ukraynanın bu istəyinə diqqət çəkən Borrell, bu məsələdəki məhdudiyyətlərin aradan qaldırılması lazım olduğunu deyib.
İclasda Türkiyənin xarici işlər naziri Hakan Fidanın da iştirak edəcəyini xatırladan Borrell, Türkiyənin Aİ üzvü olan Cənubi Kiprin mövqeyi ilə bağlı Aİ-nin rolunu anlamalı olduğunu bildirib.
Borrell, Fidanın bəzi nazirlərlə ikitərəfli görüşlər keçirəcəyinə də işarə edib.
Venesuelada baş verən hadisələrdən narahat olduqlarını bildirən Borell görüşə müxalifətdən prezidentliyə namizəd Edmundo Qonzalesi də dəvət etdiyini deyib.
