Xəzər Neft və Qaz Sərgisi müasir Azərbaycanın enerji inkişafının təməlini qoydu.

Azərbaycan Respublikasının Prezidenti İlham Əliyev Bakı Ekspo Mərkəzində Bakı Enerji Həftəsi çərçivəsində keçirilən 31-ci Beynəlxalq Xəzər Neft və Qaz Sərgisi "Caspian Oil and Gas", 14-cü Xəzər Beynəlxalq Təmiz Enerji Sərgisi "Caspian Power" və 31-ci "Baku Energy Forum"un rəsmi açılış mərasimində iştirak edir.

Azərbaycanın Birinci vitse-prezidenti Mehriban Əliyeva rəsmi "Instagram" hesabında 1 İyun - Uşaqların Beynəlxalq Müdafiəsi Günü münasibətilə paylaşım edib.

Prezident İlham Əliyevin sosial şəbəkə hesablarında 1 İyun - Uşaqların Beynəlxalq Müdafiəsi Günü münasibətilə paylaşım edilib.

Prezident İlham Əliyev Xorvatiya Prezidenti Zoran Milanoviçə təbrik məktubu ünvanlayıb. Təbrikdə deyilir: "Hörmətli cənab Prezident, Xorvatiya Respublikasının milli bayramı – Dövlətçilik Günü münasibətilə Sizə və bütün xalqınıza öz adımdan və Azərbaycan xalqı adından ən səmimi təbriklərimi çatdırıram. Azərbaycan ilə Xorvatiya arasında dostluq və əməkdaşlıq münasibətləri xoş ənənələrə malikdir. İnanıram ki, konstruktiv dialoqumuzun davam etdirilməsi, ikitərəfli münasibətlərimizin möhkəmləndirilməsi və əməkdaşlığımızın genişləndirilməsi yolunda birgə səylərimizi xalqlarımızın rifahı naminə bundan sonra da uğurla davam etdirəcəyik.

Beynəlxalq təşkilatlar və yüksək səviyyəli liderlər Prezident İlham Əliyevə göndərdikləri məktublarda Azərbaycan Respublikasının suverenliyini, dövlətçiliyini və vətəndaşlarının rifahını möhkəmləndirmək istiqamətində görülən mühüm işləri yüksək qiymətləndiriblər. Avrasiya İqtisadi Komissiyası, MDB Parlamentlərarası Assambleyası və Türk Dövlətləri Parlament Assambleyası Azərbaycan dövlətinin liderliyini, ölkənin beynəlxalq nüfuzunu möhkəmləndirməkdəki rolunu, həmçinin iqtisadi inkişaf yolunda atdığı addımları təqdir edib. Məktublarda Prezident İlham Əliyevə möhkəm cansağlığı, tükənməz enerji, uğurlar və Azərbaycan xalqının rifahı naminə fəaliyyətində davamlı nailiyyətlər arzulandığı vurğulanıb.

Maldiv Respublikasının Prezidenti Məhəmməd Muizzu Prezident İlham Əliyevə məktub ünvanlayıb.

Asəf Hacı oğlu Hacıyev "Şöhrət" ordeni ilə təltif edilib.

Peru Prezidenti Xose Mariya Balkasar Selada Azərbaycan Respublikasının Prezidenti İlham Əliyevə Müstəqillik Günü münasibətilə təbrik məktubu ünvanlayaraq Azərbaycan xalqına firavanlıq və tərəqqi arzularını çatdırıb. Məktubda Peru ilə Azərbaycan arasında son 30 ildə formalaşmış siyasi dialoqun və qarşılıqlı əməkdaşlığın daha da inkişaf etdirilməsinin vacibliyi vurğulanıb.

Prezident İlham Əliyev Şuşanın Böyük Qaladərəsi kəndində sakinlərlə görüşü zamanı regionda davam edən müharibələrin nəticələrinin qeyri-müəyyən olduğunu bildirib. Dövlət başçısı qeyd edib ki, müxtəlif tərəflər özlərini qalib elan etsələr də, müharibələrin real nəticələrinin necə olacağı hələ məlum deyil. Analitiklər hesab edirlər ki, Prezidentin bu açıqlamaları qlobal və regional təhlükəsizlik böhranlarının davam etdiyi bir dövrdə Azərbaycanın geosiyasi mövqeyi və ehtiyatlı siyasəti ilə bağlı mühüm mesaj daşıyır.

Prezident İlham Əliyev Şuşanın Böyük Qaladərəsi kəndində sakinlərlə görüşündə Azərbaycanın hər gün daha da gücləndiyini və bölgədə söz sahibinə çevrildiyini bildirib. Dövlət başçısı Qarabağda aparılan genişmiqyaslı bərpa işlərini “dünyada bənzəri olmayan” proses kimi qiymətləndirərək bunun xalq-iqtidar birliyinin və güclü dövlət modelinin nəticəsi olduğunu vurğulayıb. Prezident həmçinin sakinlərə doğma torpaqlarda rahat və firavan həyat arzulayaraq Qarabağın yenidən dirçəldiyini qeyd edib.

Prezident İlham Əliyevin rəsmi sosial media hesablarında Şuşa rayonunun Böyük Qaladərəsi kəndinə səfəri ilə bağlı videoçarx paylaşılması ictimaiyyət tərəfindən maraqla qarşılanıb. Paylaşımda dövlət başçısının kənddə aparılan bərpa və yenidənqurma işləri ilə tanış olması, bölgəyə qayıdan sakinlərlə görüşü və Qarabağda həyata keçirilən genişmiqyaslı quruculuq prosesi əks olunub.