BAKI,VOA Yusif Şərifzadə
BMT Baş katibinin sözçüsü Stefan Dujarrik Nyu-Yorkda keçirilən brifinqdə Livanda davam edən vəziyyətlə bağlı açıqlama verib.
VOA xəbər verir ki, Dujarric bildirib ki, “döyüş əməliyyatlarının dayandırılması barədə razılaşma var idi” və onun nə dərəcədə yerinə yetirilib-yetirilmədiyi faktlara əsaslanır. O əlavə edib ki, BMT Livandakı vəziyyəti “daha aşağı intensivlikli atəş vəziyyəti” kimi qiymətləndirir və tərəfləri razılaşmaya əməl etməyə çağırmağa davam edəcək.
Eyni zamanda, BMT-nin Livandakı müvəqqəti sülhməramlı missiyası UNIFIL bildirib ki, bu gün Cənubi Livanda İsrail hərbi mövqelərindən qaynaqlanan 206 atəş hadisəsi qeydə alınıb.
Bundan əlavə, Livandan qeyri-dövlət aktorlarına – ehtimal ki, Hezbollah-a aid olan 7 raket trayektoriyası müşahidə edilib. Həmçinin BMT öz əməliyyat zonasında 5 hava zərbəsini də qeydə alıb.