BAKI, VOA, Nailə Babazadə
Birləşmiş Ərəb Əmirlikləri (BƏƏ) Müdafiə Nazirliyi İran mənbəli 7 ballistik raket və 15 pilotsuz uçuş aparatının (PUA) qarşısının alındığını elan edib.
VOA xəbər verir ki, nazirliyin yazılı bəyanatında bildirilir: "Müdafiə sistemlərimiz İrandan gələn 7 ballistik raket və 15 PUA-nı uğurla zərərsizləşdirib".
Açıqlamada qeyd olunub ki, İranın başlatdığı hücumlar çərçivəsində indiyədək BƏƏ müdafiə sistemləri tərəfindən ümumilikdə 334 ballistik raket, 15 qanadlı raket və 1714 PUA məhv edilib.
Hücumlar nəticəsində 2 BƏƏ hərbçisi ilə yanaşı, Pakistan, Nepal, Banqladeş və Fələstin vətəndaşı olan 6 mülki şəxsin həyatını itirdiyi, 158 nəfərin isə müxtəlif dərəcəli bədən xəsarətləri aldığı qeyd olunub.