BAKI, AzerVoice
ABŞ-ın hava zərbələrindən əvvəl Fordo nüvə obyektindən zənginləşdirilmiş uranın böyük hissəsi çıxarılıb.
AzerVoice xəbər verir ki, bu barədə Reuters agentliyi iranlı mənbəyə istinadla məlumat yayıb.
Məlumata görə, Tehranın cənubunda, Qum şəhərinin yaxınlığında 80–90 metr dərinlikdə yerləşən yeraltı uran zənginləşdirmə müəssisəsində çalışan işçilərin əksəriyyəti də vaxtında təxliyə olunub.
Qeyd edək ki, ABŞ Prezidenti Donald Tramp iyunun 22-ə keçən gecə ölkəsinin Hərbi Hava Qüvvələrinin İran ərazisində üç nüvə obyektinə – Fordo, Nətənz və İsfahana qarşı uğurlu hücum həyata keçirdiyini açıqlamışdı. O, həmçinin İranı İsrail ilə münaqişəni dayandırmağa çağırmışdı.