Bakı, AzerVoice

Heyvanlar aləmindəki ən qorxusuz canlılar arasında bal porsuğunun (Mellivora capensis) ön sıralarda olması təəccüblü deyil. Kiçik ölçüsünə baxmayaraq, bal porsuğu hər cür təhlükə qarşısında ovlana bilir. Özündən iki-üç dəfə böyük olan aslanlara və digər yırtıcı heyvanlara cəsarətlə hücum edir, zəhərli ilanları ovlaya bilir.

Üstəlik, bal porsuqlarının ilan zəhərinə qarşı müqavimətləri var. Bəzən arı pətəklərinə də hücum edir və sancıldığında, pətəyə yayılan və arıları dağıdan bir tüstü buraxır.

Bədən uzunluqları 60-70 sm, çəkiləri isə 8-12 kq arasında dəyişən bal porsuqaları tək yaşayır. Qida tapmaq üçün uzun məsafələr qət edə bilirlər. Dişi bal porsuqaları gündə təxminən 10 km, erkəklər isə 27 km-ə qədər yol qət edərək qida axtarırlar.
Dəniz səviyyəsindən 4000 metr yüksəkliyə qədər fərqli ərazilərdə bal porsuqlarına rast gəlinə bilər. Bu canlılar Afrika ölkələri, Ərəbistan yarımadası, Hindistan yarımadası, Türkmənistan, Özbəkistan, Qazaxıstan və Əfqanıstan kimi geniş coğrafi ərazilərdə yayılmışdır.

Tropik və subtropik meşələr, çəmənliklər, quru çöl bitki örtüyü, qayalı təpələr və səhra daxil olmaqla çox müxtəlif yaşayış mühitlərində yaşaya bilirlər.