Bakı. AzerVoice:

Son illərdə Braziliyada baş verən dördüncü daşqın fəlakətlərində insan təsirinin güclü olduğu təsdiqlənib.

AzerVoice xəbər veriri ki, bu barədə beynəlxalq alimlər tərəfindən yaradılmış World Weather Attribution (WWA) qrupuna istinadən The Guardian qəzeti məlumat yayıb.

Alimlər apardıqları hava müşahidələrini kompüter simulyasiyalarının nəticələri ilə birləşdirərək daşqınların dörd və on günlük dövrlərini təhlil ediblər. Tədqiqatçılar müəyyən ediblər ki, insanlardan qaynaqlanan iqlim dəyişikliyi ekstremal yağıntılariki-üç dəfə və təxminən altı-doqquz faiz daha intensiv hala gətirir.

Avtomobillərdən, fabriklərdən və meşələrin qırılması nəticəsində atmosferə atılan tullantılar nəticəsində dünyanın daha da istiləşəcəyinə diqqət çəkən tədqiqatçılar, qlobal istiləşmənin indiki 1,2 dərəcədən 2 dərəcəyə yüksəlməsi halında Rio Qrande do Sul əyalətindəki kimi bir sel fəlakətinin baş vermə ehtimalı 1,3 ilə 2,7 qat arta bilər.

Tədqiqatçılar bildiriblər ki, planeti istiləşdirən karbon emissiyaları azalmasa, gələcəkdə Braziliyada 169 nəfərin ölümünə səbəb olan böyük daşqınlar daha çox yayılacaq.

Daşqınların Braziliyaya vurduğu zərərin bir milyard dolları keçəcəyi təxmin edilir. Rio Grande do Sul əyaləti Braziliya taxılının 90 faizini istehsal edir. Kənd təsərrüfatı torpaqlarına ziyan dəydiyi üçün düyü və süd məhsullarının qiymətinin artacağı proqnozlaşdırılır.