Bakı,AzerVoice
Türkiyə Qazaxıstanın ən böyük ticarət tərəfdaşlarından biridir.
AzerVoice xəbər verir ki, bunu Qazaxıstan Prezidenti Kasım-Jomart Tokayev Türkiyə Böyük Millət Məclisinin (TBMM) sədri Numan Kurtulmuşla görüşü zamanı deyib.
“Bugünkü görüş Dostluq və Əməkdaşlıq Sazişinin 30 illik yubileyi ərəfəsində keçirilir və simvolik əhəmiyyətə malikdir. Türkiyə Qazaxıstanın ilk 5 ən böyük ticarət tərəfdaşı və ilk 10 ən böyük investoru arasında yer alır”,- deyə Tokayev vurğulayıb.
Bunadan əlavə, tərəflər həmçinin Türk Dövlətləri Təşkilatına (TDT) üzv dövlətlər arasında əməkdaşlığın dərinləşdirilməsi və beynəlxalq təşkilatlar çərçivəsində əməkdaşlığa dair fikir mübadiləsi aparıb və qarşıdan gələn yüksək səviyyəli görüşlərin qrafikini müzakirə ediblər.
