Polşanın Azərbaycandakı səfiri Pavel Radomski Xarici İşlər Nazirliyinə çağırılıb. Səfirə Polşanın ictimai yayım qurumunda Azərbaycan əleyhinə yayımlanan süjetlə bağlı etiraz notası təqdim edilib. Azərbaycan tərəfi süjetdə dövlətə və ölkə rəhbərliyinə qarşı qərəzli və qeyri-obyektiv iddiaların yer aldığını bildirib. Veriliş aparıcısının davranışı da təxribat xarakterli kimi qiymətləndirilib. Xarici İşlər Nazirliyi belə bir yayımın Azərbaycan-Ermənistan sülh prosesinin davam etdiyi dövrdə suallar doğurduğunu qeyd edib. Polşa hökuməti tərəfindən maliyyələşdirilən yayım qurumunun mövqeyi ikitərəfli tərəfdaşlıq ruhuna zidd hesab olunub. Nazirlik bunun Azərbaycan-Polşa münasibətlərinə zərər vurmaq imkanına malik olduğunu vurğulayıb. Polşa tərəfi Azərbaycan əleyhinə belə məlumat kampaniyalarının dayandırılması üçün təsirli tədbirlər görməyə çağırılıb.