ABŞ Mərkəzi Kəşfiyyat İdarəsi (CIA) ölkə xaricində kəşfiyyat məlumatlarının toplanması, təhlili və gizli əməliyyatların həyata keçirilməsinə cavabdeh olan əsas qurumlardan biridir. 1947-ci ildə yaradılan qurum ötən onilliklər ərzində ABŞ-ın milli təhlükəsizlik və xarici siyasətinin formalaşmasında mühüm rol oynayıb. CIA 1947-ci ildə ABŞ Prezidenti Harri Trumenin imzaladığı Milli Təhlükəsizlik Qanunu əsasında yaradılıb. Qurum İkinci Dünya müharibəsi dövründə fəaliyyət göstərən Strateji Xidmətlər İdarəsinin (OSS) yerinə təsis edilib.