Bu ilin yanvar-iyun aylarında Azərbaycandan Türkiyəyə 1,262 milyard ABŞ dolları dəyərində 4,847 milyard kubmetr təbii qaz (qaz halında) ixrac edilib. Ötən ilin eyni dövründəki göstərici ilə müqayisədə Azərbaycandan sözügedən ölkəyə təbii qaz (qaz halında) ixracı dəyər ifadəsində 97,9 milyon ABŞ dolları və ya 7,2%, həcm ifadəsində isə 82,2 milyon kubmetr və ya 1,7% azalıb.

Prezident İlham Əliyev Azərbaycanın Avropa bazarına elektrik enerjisi ixrac etmək niyyətində olduğunu bildirib. Dövlət başçısı qeyd edib ki, Azərbaycan regionda enerji təminatı baxımından xüsusi mövqeyə malikdir. O, ölkənin artıq neft və qazla Avropa bazarına çıxdığını, növbəti mərhələdə elektrik enerjisi ixracının da planlaşdırıldığını vurğulayıb. Azərbaycanın enerji imkanlarının genişləndirilməsi və ixrac potensialının artırılması əsas prioritetlərdən biri kimi göstərilib.

Azərbaycan Dövlət Gömrük Komitəsinin dərc etdiyi xarici ticarətin gömrük statistikasına əsasən, yanvar-iyun aylarında Azərbaycandan Xorvatiyaya 162,7 milyon ABŞ dollar dəyərində 276,3 min ton bitumlu süxurlardan alınmış neft və neft məhsulları ixrac edilib. Bu göstərici dəyər ifadəsində 2025-ci ilin eyni dövrü ilə müqayisədə 246,2 milyon ABŞ dolları və ya 60,2 faiz az, həcm baxımından isə 468,4 min ton və ya 62,9 faiz aşağı olub.