BMT-nin Qaçqınlar üzrə Ali Komissarı Bərhəm Saleh 2024-cü ilin dekabrından bəri 3 milyondan çox suriyalının öz bölgələrinə qayıtdığını açıqlayıb. Saleh Suriyaya bir həftəlik səfərinin yekununda bildirib ki, geri dönüşlər ölkənin yenidən qurulması istiqamətində suriyalıların iradəsini göstərir. O, beynəlxalq ictimaiyyəti Suriyanın bərpası, infrastrukturun yenilənməsi və əsas xidmətlərin təminatına dəstəyi artırmağa çağırıb.

BMT-nin Qaçqınlar üzrə Ali Komissarı Bərham Saleh Suriyanın İdlib və Hələb vilayətlərinə səfəri zamanı ölkədə həyata keçirilməsi nəzərdə tutulan “Düşərgəsiz Suriya” planına dəstəyini açıqlayıb. Saleh İdlibin şimalında yerləşən Mühacir düşərgəsini ziyarət edərək burada yaşayan məcburi köçkünlərin vəziyyəti ilə tanış olub, onların ehtiyaclarını dinləyib.

Suriya Prezidenti Əhməd əş-Şəraa BMT-nin Qaçqınlar üzrə ali komissarı Bərham Salehi Dəməşqdə qəbul edib. Görüşdə qaçqınların könüllü, təhlükəsiz, ləyaqətli və davamlı şəkildə geri qayıtmasının təmin edilməsi, həmçinin ölkənin erkən bərpası və yaşayış imkanlarının yaradılması məsələləri müzakirə olunub.