Xarici işlər naziri Ceyhun Bayramov Estoniyanın Azərbaycandakı yeni səfiri Tiina Nirki qəbul edib. Görüşdə səfir etimadnaməsinin surətini nazirə təqdim edib. Tərəflər siyasi, iqtisadi, ticarət, nəqliyyat, rəqəmsallaşma və təhsil sahələrində əməkdaşlığın inkişaf perspektivlərini müzakirə ediblər. Estoniyanın Azərbaycanda səfirlik açması ikitərəfli münasibətlər üçün mühüm addım kimi qiymətləndirilib. Hökumətlərarası Komissiyanın fəaliyyəti və təhsil sahəsində əməkdaşlığın genişləndirilməsi də diqqət mərkəzində olub. Görüşdə regional və beynəlxalq məsələlər barədə də fikir mübadiləsi aparılıb.