İran Bəhreyndə "Amazon" şirkətinə məxsus olduğu bildirilən məlumat mərkəzini vurduğunu iddia edib. Bu barədə İran İslam İnqilabı Keşikçiləri Korpusu bəyanat yayıb. İran tərəfi obyektin Amerika ordusuna kəşfiyyat dəstəyi verdiyini irəli sürüb. İddialar dövlət televiziyası vasitəsilə ictimaiyyətə açıqlanıb. "Amazon" şirkəti və Bəhreyn rəsmiləri məsələ ilə bağlı hələlik açıqlama verməyiblər. Hadisə barədə müstəqil təsdiq mövcud deyil. İran bundan əvvəl də eyni obyekti hədəfə aldığını bildirmişdi.