İsrail qüvvələrinin Livanın cənubundakı Baraşit kəndi ətrafında bir neçə evi partlatdığı bildirilib. Hadisə Bint Cübeyl rayonunda baş verib. Livanın Milli Xəbər Agentliyi bölgədə dağıntılar barədə məlumat yayıb. Eyni zamanda Nəbatiyyə bölgəsində bir neçə yaşayış məntəqəsinin artilleriya atəşinə tutulduğu qeyd olunub. Nəbatiyyə əl-Fauqa, Kfar Təbnit və Kfar Şuba ərazilərində fasiləli atəş səsləri eşidilib. Livanın cənubunda təhlükəsizlik vəziyyəti gərgin olaraq qalır. Beynəlxalq tərəflər yeni eskalasiyanın qarşısının alınmasına çağırırlar.