İran ABŞ və İsrail hücumları nəticəsində zərər gördüyü bildirilən on minlərlə mənzilin bərpasını həyata keçirir. Tehran Fövqəladə Halların Qarşısının Alınması və İdarə Edilməsi Təşkilatı bildirib ki, yüngül və orta zərər görmüş təxminən 50 min mənzilin 95 faizindən çoxu təmir olunub. Sökülməsi tələb olunan 2 min 135 mənzillə bağlı da işlər davam edir. Təxminən 200 ailə hotellərdə yerləşdirilib. Daha 1 800 ailəyə yaşayış üçün ilkin ödəniş vəsaiti verilib. İran hakimiyyəti bərpa prosesinin davam etdiyini açıqlayıb. İşlər əsasən paytaxt Tehran ərazisində həyata keçirilir.