Livanın Səhiyyə Nazirliyi İsrail hücumları nəticəsində martın 2-dən indiyədək azı 3 123 nəfərin öldüyünü açıqlayıb. Rəsmi məlumatlara görə, yaralıların sayı 9 506 nəfəri keçib. Müşahidəçilər bildirirlər ki, bölgədə davam edən hücumlar humanitar vəziyyəti daha da ağırlaşdırır. Xüsusilə yaşayış məntəqələri, infrastruktur və mülki əhalinin təhlükəsizliyi ilə bağlı narahatlıqlar artır.

İsrailin Livanın Sur şəhəri və ətraf ərazilərinə hücumları daha da intensivləşib. Bölgədə qırıcı təyyarələr və pilotsuz aparatların fəallığı artıb, 11 yaşayış məntəqəsi üçün məcburi köçürülmə əmri verilib. Minlərlə insanın təhlükə ilə üzləşdiyi bildirilir.