Avropa İttifaqının xarici siyasət rəhbəri Kaya Kallas Pakistanın diplomatik səylərini yüksək qiymətləndirib və bildirib ki, Pakistan bir neçə dəfə “tam miqyaslı müharibənin” qarşısını alıb. Kallas İslamabad səfərində atəşkəsi uzatma və Hörmüz boğazını yenidən açmaq üçün 10 illik diplomatik imkanın olduğunu açıqlayıb. O, həmçinin vurğulayıb ki, İranın nüvə proqramı ilə bağlı razılaşma daha dərin danışıqlarla dəstəklənməlidir və Avropa İttifaqı bu prosesi davamlı etməkdə konkret rol oynayacaq.

Qətər Baş naziri Şeyx Məhəmməd bin Əbdülrəhman bin Cassim Əl Tani ilə İsveçrə Xarici İşlər Departamentinin rəhbəri İqnatsio Kassis ABŞ və İran arasında vasitəçilik səylərini müzakirə ediblər. Görüşdə Tehran və Vaşinqton arasında aparılan danışıqlar, gərginliyi azaltmağa yönəlmiş səylərin dəstəklənməsi və regional stabilliyin təmin olunması məsələləri əsas müzakirə mövzusu olub.

Çin Prezidenti Si Cinpin bu gün Pekində Tayvanın müxalif "Komin-dan" (KMT) partiyasının lideri Çen Li-vunu qəbul edib. Bu, son on ildə partiya rəhbəri səviyyəsində Çinə reallaşan ilk rəsmi səfərdir və Tayvan boğazında hərbi gərginliyin artdığı bir dövrə təsadüf edir.