Türkiyə ABŞ–İran gərginliyinin artdığı bir mərhələdə diplomatik təşəbbüslərini intensivləşdirir. Prezident Rəcəb Tayyib Ərdoğan İranın xarici işlər naziri Abbas Ərakçini qəbul edib. Görüşün əsas müzakirə mövzusu ABŞ ilə İran arasında artan gərginlik və regionda yaranmış təhlükəsizlik riskləri olub. Məlumata görə, görüş zamanı tərəflər bölgədə sabitliyin qorunmasının vacibliyini vurğulayıb, gərginliyin hərbi üsullarla deyil, dialoq və diplomatiya yolu ilə aradan qaldırılmasının zəruriliyini qeyd ediblər. Türkiyənin ABŞ–İran münasibətlərində vasitəçilik təşəbbüslərinin davam etdiriləcəyi diqqətə çatdırılıb.