2025-ci ildə DOST mərkəzlərində 900 minə yaxın, ümumilikdə isə 4,1 milyondan çox vətəndaşa xidmət göstərildiyi bildirilib. Bu barədə DOST Agentliyində 2025-ci ilin yekunları və 2026-cı il üzrə hədəflərə dair keçirilən mətbuat konfransında Agentliyin İdarə Heyətinin sədri Fərid Məmmədov məlumat verib. O qeyd edib ki, DOST Agentliyi Prezident İlham Əliyevin 9 avqust 2018-ci il tarixli fərmanı ilə yaradılıb, 2019-cu ilin may ayında isə ilk DOST mərkəzi fəaliyyətə başlayıb. Birinci vitse-prezident Mehriban Əliyevanın təşəbbüsü olan DOST konsepsiyası 162 dövlət sosial xidmətinin “bir pəncərə” mexanizmi ilə təqdimatını təmin edir.