UNICEF-in icraçı direktoru Ketrin Rassel dünyadakı münaqişələr, iqlim şokları, iqtisadi qeyri-sabitlik və bərabərsizliyin uşaqlar üzərində böyük təzyiq yaratdığını bildirib. O, 2026-cı ildə 130-dan çox ölkədə 200 milyondan çox uşağın humanitar yardıma ehtiyacı olacağını vurğulayıb. Rasselin sözlərinə görə, uşaqların qarşılaşdığı çətinliklər getdikcə daha mürəkkəb və qütbləşmiş xarakter alır.

Birləşmiş Millətlər Təşkilatının Uşaq Fondu (UNICEF) İsrailin atəşkəsi yüzlərlə dəfə pozduğu Qəzza zolağında ilin əvvəlindən bu yana 37 fələstinli uşağın həyatını itirdiyini açıqlayıb. UNICEF tərəfindən yayımlanan hesabatda Qəzzada qüvvədə olan atəşkəsin son dərəcə kövrək olduğu, İsrailin hücumları səbəbindən uşaqların həyatının hələ də ciddi təhlükə altında qaldığı vurğulanıb. Hesabatda ilin əvvəlindən bəri Qəzzada 37 uşağın həlak olduğu barədə məlumat yer alıb.

Sudanın cənub–mərkəzində yerləşən Kalogi qəsəbəsində uşaq bağçasına edilən pilotsuz uçuş aparatlı hücum 50 nəfərin ölümünə səbəb olub. Ölənlərdən 33-ü uşaqlardır. Bu barədə Sudan Həkimlər Şəbəkəsi məlumat verib.