Türkiyənin bir neçə vilayətində baş verən meşə yanğınları nəzarət altına alınıb. Bu barədə Türkiyənin kənd və meşə təsərrüfatı naziri İbrahim Yumaklı bildirib.

Türkiyənin Kocaeli, Bartın və Bursa şəhərlərində baş verən meşə yanğınlarının söndürülməsi istiqamətində havadan və qurudan intensiv iş aparılır. Kocaelinin Karamürsel rayonunun Suludərə məhəlləsində meşəlik ərazidə hələ müəyyən edilməmiş səbəbdən yanğın başlayıb. Hadisə yerinə yanğınsöndürmə və Meşə Təsərrüfatı İdarəsinin qrupları, eləcə də helikopterlər cəlb olunub. Kocaeli valisi İlhami Aktaş yanğınsöndürmə işlərinin küləkli hava şəraitində çətinləşdiyini bildirərək sakinləri diqqətli olmağa çağırıb.

Fransanın Aude departamentində baş verən və yay mövsümünün ən böyük meşə yanğınlarından biri kimi qeydə alınan hadisənin bilərəkdən törədilmiş ola biləcəyi ehtimal edilir. Montpellier Respublika Prokurorluğunun açıqlamasına görə, avqustun 5-də Laqrasse və Ribaute kəndləri arasında başlayan yanğın qısa müddətdə beş ətraf şəhərə yayılıb, təxminən 17 min hektar meşə sahəsi məhv olub. Hadisə nəticəsində bir nəfər həlak olub, çox sayda insan yaralanıb, onlardan ikisinin vəziyyəti ağırdır. 36 ev dağılıb.

Türkiyənin Hatay vilayətinin Hassa və Mersinin Silifke rayonlarında dünən başlayan meşə yanğınlarının söndürülməsi istiqamətində havadan və yerdən intensiv işlər aparılır. Güclü külək səbəbindən alovun sürətlə yayılması nəticəsində Hatayda Yukarıbucak və Bademli məhəllələrindən 540 sakin, Silifkedə isə altı məhəllə və beş yaşayış məntəqəsi ehtiyat tədbiri olaraq təxliyə edilib. Yanğınsöndürmə əməliyyatlarına helikopterlər, təyyarələr, 173 texnika və yüzlərlə canlı qüvvə cəlb olunub.

Türkiyənin Denizli vilayətinin Acıpayam rayonunda meşə yanğını baş verib. Yanğın meşəlik ərazidə başlayıb. Bölgəyə bir təyyarə, dörd helikopter, 19 yanğınsöndürmə maşını, 11 ilkin müdaxilə avtomobili, üç iş maşını və 121 nəfərlik heyət göndərilib.

Türkiyənin Manisa vilayətinin Şehzadeler rayonunda baş verən meşə yanğını ilə bağlı bir nəfər həbs edilib. Avqustun 11-də yerli vaxtla saat 16:45 radələrində başlayan yanğın, küləyin təsiri ilə qısa müddətdə meşəyə yayılıb. İzmir Meşə Regional İdarəsinə məxsus 4 helikopter, 17 yanğınsöndürmə briqadası və 3 texnika əraziyə cəlb edilib. Yanğın havadan və qurudan müdaxilə edilərək nəzarət altına alınıb.

Albaniya Müdafiə Nazirliyinin məlumatına görə, son 24 saat ərzində ölkədə baş verən 64 yanğından 24-ü hələ də aktivdir. Yanğınlarla mübarizə Albaniya Mülki Müdafiə Agentliyinin koordinasiyası ilə 10 mindən çox şəxsi heyətin iştirakı ilə aparılır. Gecə boyu davam edən söndürmə işlərində əsas diqqət yaşayış məntəqələri və milli parklar yaxınlığındakı alovların qarşısının alınmasına yönəldilib. Qramş və Delvin bölgələrində yanğınların sürətlə yayılması səbəbindən əhalinin dərhal ərazini tərk etməsi tövsiyə olunub.

Ölkənin müxtəlif bölgələrində baş verən yanğınlar səbəbindən Achaia, Sakız (Xios) adası və Epirusda çoxsaylı yaşayış məntəqələri boşaldılıb. “112” qaynar xətti vasitəsilə yerli sakinlərə təxliyə barədə xəbərdarlıqlar göndərilib. Yanğınsöndürmə işlərinə 4850 nəfərlik heyət cəlb olunub, səhər saatlarından hava qüvvələri yenidən su tökmə əməliyyatlarına başlayıb. Achaia prefekturasında Patra yaxınlığındakı Sihena bölgəsində başlayan yanğın bir neçə evə ziyan vurub, Sakız adasında isə kəndlər tamamilə boşaldılıb və kənd təsərrüfatı sahələri, fermalar, anbarlar, nəqliyyat vasitələri ciddi ziyan görüb. Epirusun Preveze bölgəsindəki Ziros bələdiyyəsində yanğın təxminən 30 kilometrlik əraziyə yayılıb.

Ölkədə davam edən böyük meşə yanğınları səbəbindən avqustun 3-də elan edilən və əvvəlcə avqustun 7-də başa çatması planlaşdırılan xəbərdarlıq rejimi hökumət qərarı ilə avqustun 15-dək uzadılıb. Hazırda Vila Real, Trankoso, Covilha və Tabuaço bölgələrində “həyəcanverici” səviyyədə yanğınlar davam edir və 1700-dən çox yanğınsöndürən alovların qarşısını almaq üçün çalışır.

İzmirin Buca və Aliağa rayonlarında meşə yanğınları baş verib. Hər iki yanğına havadan və qurudan müdaxilə edilir. İzmirin Buca rayonunda, yerli vaxtla saat 18:00 radələrində mikroavtobusda yanğın baş verib. Yol kənarındakı avtomobildə başlayan yanğın meşəyə yayılıb. Hadisə yerinə İzmir Meşə Regional Müdirliyinə məxsus hava vasitələri və çox sayda yanğınsöndürmə maşını göndərilib.

Türkiyənin Çanakkale vilayətində baş verən yanğın nəzarət altına alınıb. Bu barədə Türkiyənin daxili işlər naziri Ali Yerlikaya açıqlama verib.

Balkan ölkəsində, xüsusilə paytaxt Podqoritsa və Nikşiç, Bijelo Polye, Canja, Buljarika bölgələrində davam edən yanğınlar küləyin təsiri ilə bəzi yaşayış məntəqələrinə yaxınlaşıb. Monteneqro Daxili İşlər Nazirliyi NATO vasitəsilə qonşu ölkələr də daxil olmaqla beynəlxalq ictimaiyyətdən dəstək istədiyini açıqlayıb. Serbiya yanğınlara havadan müdaxilə üçün vertolyot göndərib, Xorvatiya isə yanğınsöndürmə təyyarəsi ilə kömək göstərib. Ölkədə yüksək temperatur səbəbindən qırmızı təhlükə elan olunub.