Fars Körfəzi Əməkdaşlıq Şurasına (GCC) üzv ölkələrin silahlı qüvvələri Səudiyyə Ərəbistanında genişmiqyaslı birgə hərbi təlimlərə başlayıb. Fars Körfəzi Əməkdaşlıq Şurası çərçivəsində keçirilən manevrlərlə bağlı Səudiyyə Ərəbistanı Müdafiə Nazirliyi bildirib ki, təlimlərdə Şuraya üzv bütün dövlətlərin qüvvələri iştirak edir. Məqsəd döyüş hazırlığını yüksəltmək, birgə əməliyyatların planlaşdırılması və icrasında inteqrasiyanı dərinləşdirməkdir.

Fars körfəzi regionu neft ticarətinin dünya üzrə ən həssas nöqtələrindən biri kimi tanınır. Hazırda qlobal neft daşımalarının təxminən 30 faizi Hörmüz boğazından keçir. Boğazın hərbi risklərə, siyasi təhdidlərə və blokada təhlükəsinə açıq olması Körfəz ölkələrini alternativ marşrut axtarışına sövq edir. Bu kontekstdə Səudiyyə Ərəbistanında irəli sürülən genişmiqyaslı “Salman Kanalı” layihəsi regionun geoiqtisadi xəritəsini dəyişə biləcək təşəbbüslərdən biri kimi qiymətləndirilir.

Səudiyyə Ərəbistanının turizm naziri Əhməd əl-Xətib bildirib ki, Fars Körfəzi Əməkdaşlıq Şurasına üzv ölkələr turizmi neft və ticarətlə yanaşı, iqtisadiyyatın əsas dayaqlarından birinə çevirməkdədir.