ABŞ Xəzinədarlıq katibi Skott Bessent bildirib ki, ölkə Rusiyaya məxsus dəniz nefti üçün verilən 30 günlük ümumi lisenziyanı uzadıb. Güzəşt fiziki xam neft bazarının sabitləşdirilməsinə və enerji baxımından həssas ölkələrə neft çatdırılmasına yardım məqsədi daşıyır.

Politico nəşri Avropada Rusiya ilə danışıqlar üçün potensial namizədlər barədə müzakirələrin davam etdiyini bildirir. Politico qeyd edir ki, Merkel Rusiya Prezidenti Vladimir Putin və Ukrayna Prezidenti Volodimir Zelenski ilə birbaşa təmas təcrübəsinə malikdir, lakin bəzi Avropa siyasətçiləri onun keçmiş vasitəçilik səylərini uğursuz hesab edir. Stubb əvvəl bu rola maraq göstərmişdi, lakin Finlandiyanın NATO üzvlüyü Moskvada onun qəbulunu çətinləşdirə bilər. Draghi isə nisbətən neytral namizəd kimi qiymətləndirilir, lakin hələlik rəsmi olaraq danışıqlarçı kimi iştirak etmək niyyətini açıqlamayıb.

Rusiya Prezidenti Vladimir Putin və BƏƏ Prezidenti Məhəmməd bin Zayed Əl Nəhyan İranla bağlı vəziyyəti müzakirə edərək siyasi və diplomatik həll yollarının vacibliyini vurğulayıblar. Məlumata görə, tərəflər İran ətrafında yaranmış vəziyyət və regional prosesləri müzakirə edərək kompromis əsaslı sülh razılaşmalarına nail olmaq üçün siyasi və diplomatik səylərin davam etdirilməsinin vacibliyini qeyd ediblər.

Açıqlamada həmçinin bildirilib ki, liderlər “2026-2027 Rusiya və Çin Təhsil İlləri” adlı tədbirin açılış mərasimində iştirak edəcəklər. Görüşlərdən sonra yüksək səviyyəli ortaq bəyanatın, eləcə də hökumətlərarası və qurumlararası bir sıra sənədlərin imzalanması planlaşdırılır.

Kremlin sözçüsü Dmitri Peskov Rusiya Prezidenti Vladimir Putin ilə Ukrayna Prezidenti Volodimir Zelenski arasında görüşün yalnız münaqişənin həlli prosesinin yekun mərhələsində mümkün ola biləcəyini bildirib. Peskov qeyd edib ki, belə bir görüşün baş tutması üçün əvvəlcədən geniş hazırlıq işləri və danışıqlar prosesinin tamamlanması vacibdir.

"The New York Times" qəzetinin yaydığı məlumata görə, Rusiya İranın hərbi potensialının bərpasına kömək etmək məqsədilə Xəzər dənizi vasitəsilə bu ölkəyə pilotsuz uçuş aparatlarının (PUA) komponentlərini ixrac edir. Bu yeni marşrut İranın öz hücum qabiliyyətini yenidən qurmasına şərait yaradır. Rusiya eyni zamanda İrana adətən Hörmüz boğazı vasitəsilə daşınan malların alternativ yolla çatdırılmasını təmin edir.

ABŞ Prezidenti Donald Tramp Rusiya və Ukrayna arasında 9–11 may tarixlərini əhatə edən üçgünlük atəşkəsin tətbiq olunacağını açıqlayıb. Onun sözlərinə görə, təşəbbüs Qələbə Günü ilə bağlı irəli sürülüb və Vladimir Putin ilə Volodimir Zelenski tərəfindən razılaşdırılıb.

Rusiya Qələbə Gününün 81-ci ildönümü ilə əlaqədar 8 maydan 10 maya qədər Ukrayna ilə müharibədə müvəqqəti atəşkəs elan edib. Moskva qərarın Vladimir Putinin tapşırığı əsasında qəbul edildiyini açıqlayıb və Kiyevin də eyni addımı atacağına ümid etdiyini bildirib. Bununla yanaşı, Rusiya Müdafiə Nazirliyi 9 may tədbirlərinə hücum olacağı təqdirdə Kiyevə qarşı genişmiqyaslı cavab zərbələri endiriləcəyi barədə xəbərdarlıq edib.

Azərbaycandan tranzit keçməklə Rusiyadan Ermənistana növbəti tədarük həyata keçiriləcək.

Bir qədər sonra paytaxtda Heydər Əliyev Fondunun təşəbbüsü ilə təşkil olunan "Bakı Marafonu 2026"ya start veriləcək. Marafonda Azərbaycan vətəndaşları ilə yanaşı, ABŞ, Almaniya, Böyük Britaniya, Çin, Gürcüstan, Qazaxıstan, Qırğızıstan, Özbəkistan, Rusiya, Türkiyə, Ukrayna və digər ölkə vətəndaşları da qələbə uğrunda yarışır. Hər dəfə olduğu kimi, builki yarışda da fiziki imkanları məhdud, eləcə də Daun sindromlu şəxslər də iştirak edir. Marafona səhər saat 10-da start verilsə də, saat 7-dən etibarən Bayraq Meydanında artıq yarış əhvali-ruhiyyəsi yaşanıb. Burada təşkil olunan atletlər zonasında iştirakçılar üçün yarışdan əvvəl yoqa, isinmə məşqləri keçirilib, "fan zona"da DJ-lər, müxtəlif əyləncə və interaktiv oyunlar təşkil edilib. Sayca doqquzuncu dəfə keçirilən "Bakı Marafonu" ilk dəfə 42 kilometr tam məsafədə təşkil olunur. Yarış Dövlət Bayrağı Meydanından start götürüb və iştirakçılar müəyyən edilmiş marşrut üzrə "Sea Breeze" ərazisində finiş xəttinə çatacaqlar.

Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas Rusiya ilə münasibətlərin hətta münaqişə başa çatdıqdan sonra da normallaşmayacağını bildirib. Bu məsələnin yaxın zamanda keçiriləcək xarici işlər nazirlərinin toplantısında da müzakirə olunacağı bildirilib.

ABŞ və İran arasında davam edən gərginlik fonunda diplomatik proses çətin mərhələyə daxil olub. Məlumata görə, tərəflər arasında aparılan sülh danışıqları dalana dirənib. Əsas mübahisə mövzuları İranın nüvə proqramı və Hörmüz boğazı üzərindən nəqliyyatın bərpası ilə bağlıdır.