İsrail BMT baş katibi Antonio Quterreş ilə bütün əlaqələri dayandırdığını açıqlayıb. İsrailin BMT-dəki nümayəndəsi Danny Danon bu qərarı ölkənin münaqişə zonalarında cinsi zorakılıqla bağlı siyahıya daxil edilməsinə etirazla əlaqələndirib və BMT-ni İsrailə qarşı “yalan məlumatlar yaymaqda” ittiham edib. BMT isə dialoqa açıq olduğunu bildirərək İsrail ilə əlaqələrin davam etdirilməsinin vacibliyini vurğulayıb. Analitiklər hesab edirlər ki, bu addım İsrail–BMT münasibətlərində gərginliyin daha da artdığını göstərir.

ABŞ-ın Demokrat senatoru Kris Merfi Donald Tramp administrasiyasını İran siyasətində “ardıcıl səhvlər” etməkdə və regionu təhlükəli eskalasiyaya sürükləməkdə ittiham edib. Senator Trampın Omanla bağlı açıqlamalarının münaqişənin nəzarətdən çıxmasının göstəricisi olduğunu bildirib və Vaşinqtonun son addımlarını “panika içində verilən qərarlar” kimi qiymətləndirib. Son günlər Tramp administrasiyası həm Demokratlar, həm də bəzi Respublikaçılar tərəfindən İranla bağlı siyasətinə görə sərt tənqid olunur.

ABŞ Prezidenti Donald Tramp “Fox News” telekanalına müsahibəsində İranla bağlı sərt açıqlamalar verərək Tehranın nüvə silahına sahib olmasına heç vaxt icazə verilməyəcəyini bildirib. Tramp İranın təqdim etdiyi təklifləri kəskin tənqid edib, həmçinin məhv edilmiş nüvə obyektlərindəki “nüvə tozu”nun təmizlənməsi üçün Tehranın ABŞ-dan yardım istədiyini iddia edib. Prezident “Project Freedom” layihəsinin genişləndirilə biləcəyini və İranın mühasirəyə alınması ilə bağlı planların nəzərdən keçirildiyini açıqlayıb. O, eyni zamanda kürd qruplaşmalarına verilən silahlarla bağlı narazılığını ifadə edərək ABŞ-ın İrana qarşı təzyiqlərinin davam edəcəyini vurğulayıb.

ABŞ ya diplomatik yola baş vurmalı, ya da qarşıdurmanı davam etdirməlidir.

Pakistanın ABŞ və İran arasında vasitəçilik təşəbbüslərinin uğursuzluğa uğraması regionda yeni diplomatik gərginlik yaradıb. Mənbələr bildirir ki, Pakistan tərəfi ABŞ və İran arasında vasitəçilik etmək üçün ciddi diplomatik resurslar səfərbər etsə də, Tehranın son anda geri çəkilməsi bu səyləri nəticəsiz qoyub. Bu addımın Pakistanın diplomatik nüfuzuna mənfi təsir etdiyi və iki ölkə arasında gizli gərginliyə səbəb olduğu qeyd olunur.

Londonda yayınlanan Əl-Avsat qəzeti Rusiya və Azərbaycan arasında yaşanan gərginlik haqqında geniş məqalə hazırlayıb