BAKI, VOA
“Nizami” metro stansiyası ətrafında velosipedçilərin təhlükəsizliyi gücləndirilib.
VOA xəbər verir ki, paytaxtın Yasamal rayonunda daha 4 kəsişmədə svetoforlara velosiped bölmələri quraşdırılıb.
Layihə çərçivəsində Cəfər Cabbarlı küçəsinin Bəsti Bağırova, Əli bəy Hüseynzadə və Salatın Əsgərova küçələri ilə kəsişmələrində, həmçinin Şıxəli Qurbanov küçəsi ilə Şamil Əzizbəyov küçəsinin kəsişməsində mövcud svetoforlara ümumilikdə 8 ədəd velosiped bölməsi əlavə olunaraq istifadəyə verilib.
Məlumata görə, yeni nəsil bölmələr LED işıqlandırma sistemi ilə təchiz edilib və velosipedçilərin, eləcə də kiçik elektrik nəqliyyat vasitələrini idarə edən şəxslərin yollarda daha təhlükəsiz hərəkətinə şərait yaradır.
Layihə paytaxtda mikromobilliyin inkişafı və yol hərəkəti təhlükəsizliyinin artırılması istiqamətində görülən tədbirlər çərçivəsində həyata keçirilir.