Bakı. AzerVoice:

Doğum nisbətlərinin azalması ilə bağlı Türkiyənin Ailə və Sosial Xidmətlər Naziri Mahinur Özdemir Göktaş, "Dünyadakı nümunələri araşdırırıq və lazımi tədbirləri görməyə çalışırıq" deyib.

AzerVoice xəbər verir ki, ailə institutunun gücləndirilməsi istiqamətində görüləcək işlərlə bağlı sualları cavablandıran Göktaş, TÜİK məlumatlarına görə doğum nisbətlərinin azaldığını bildirib. O bu vəziyyətin Türkiyəyə xas olmadığını və bir çox ölkənin bu problemlə mübarizə apardığını əlavə edib.

Avropa və Asiyada ciddi nüfuz narahatlığının yaşandığını bildirən Göktaş, "Dünyadakı nümunələri araşdırırıq və lazımi tədbirləri görməyə çalışırıq. Mayın 15-də ictimaiyyətə elan etdiyimiz Ailə Fəaliyyət Planımızda doğum nisbətləri üçün əhəmiyyətli bir bölmə ayırdıq. ” dedi.

Nazir Göktaş həmçinin, doğuş nisbətinin ən aşağı olduğu 3 vilayətdə pilot araşdırmaya başlayacaqlarını bildirib.

“Biz qadınların ev və iş arasında seçim etmə məcburiyyətini aradan qaldırmağı hədəfləyirik”

Göktaş nazirlik olaraq hər zaman qadınların yanında olduqlarını və onların hüquqlarını müdafiə etdiklərini bildirib.

Dünyanın bir çox beynəlxalq şirkətlərində qadınların mühüm vəzifələrdə və qərar vermə mexanizmlərinin içində yer aldığına diqqət çəkən Göktaş, "Bütün bu nümunələri araşdırırıq. Ölkənin inkişafına da töhfə verəcək yeni modellər üçün çalışmalarımızı davam etdiririk. Tətbiq edəcəyimiz yeni modellərlə, aralarında daha rahat və uzaqdan iş modelləri də daxil olmaqla, qadınların ev və iş həyatı arasında seçim etmə məcburiyyətini aradan qaldırmağı hədəfləyirik" dedi.