Bakı. AzerVoice:
Moldova Mərkəzi Seçki Komissiyasının (MSK) müşahidə missiyası fevralın 7-də Azərbaycanda keçiriləcək növbədənkənar Prezident seçkilərini izləyəcək.
AzerVoice Secki-2024.az-a istinadən xəbər verir ki, 3 nəfərdən ibarət olacaq nümayəndə heyətinə Moldova MSK-nın sədri Anjelika Karaman rəhbərlik edəcək.
Nümayəndə heyətinə, həmçinin Mərkəzi Seçki Komissiyasının üzvləri Sergiu Lazar və Natalia Arvat daxildir.
Moldova MSK-nın müşahidə missiyası səsvermədən sonra seçkinin nəticələrinə dair hesabat yayacaq.
Qeyd edək ki, fevralın 7-də Azərbaycanda növbədənkənar Prezident seçkiləri keçiriləcək.
