Bakı,AzerVoice

Belarus həmkarlar ittifaqları Özbəkistanla turizmin inkişafına kömək edəcək.

AzerVoice xəbər verir ki, müvafiq razılıq mayın 20-də Belarus Həmkarlar İttifaqları Federasiyasında (FTUB) keçirilən beynəlxalq toplantıda əldə olunub.

Mərkəzi Asiyadan gələn qonaqlar, o cümlədən Özbəkistanın Belarusdakı fövqəladə və səlahiyyətli səfiri Raxmatulla Nazarov, Özbəkistanın Ekologiya, Ətraf Mühitin Mühafizəsi və İqlim Dəyişiklikləri Nazirliyi yanında Turizm Komitəsinin nümayəndələri Belarus Həmkarlar İttifaqları Federasiyasının sədri Yuri Senko ilə görüşüblər.

Görüş zamanı tərəflər ikitərəfli turizmin nəqliyyat logistikası və dəyəri baxımından əlçatanlığını müzakirə edib, həmçinin mütəşəkkil turist qruplarının mübadiləsi imkanlarını nəzərdən keçiriblər. Danışıqlar nəticəsində “Belarusturist” və “Belprofsoyuzkurort” arasında Özbəkistanın analoji qurumları ilə əməkdaşlıq haqqında saziş imzalanıb.

"Belarus və Özbəkistan ölkələrlərarası əlaqələri fəal şəkildə inkişaf etdirir, həmçinin beynəlxalq təşkilatlar çərçivəsində qarşılıqlı fəaliyyət göstərirlər. Ölkələrin bütün sahələrdə, o cümlədən iqtisadiyyatın mühüm tərkib hissəsi olan ikitərəfli turizmin təşkili sahəsində əməkdaşlığı intensivləşdirmək üçün yaxşı potensialı var",- deyə Yuri Senkon vurğulayıb.