Bakı,AzerVoice
Ukrayna prezidenti Vladimir Zelenski şənbə günü Ukraynadakı Rusiyaya bağlı Ukrayna Pravoslav Kilsəsinin (UOK) fəaliyyətini qadağan edən qanunu imzalayıb.
AzerVoice xəbər verir ki, qərar Ukrayna parlamentinin rəsmi saytında dərc edilib.
Ukrayna 2014-cü ildən Rus Pravoslav Kilsəsindən (ROK) uzaqlaşmağa çalışır və bu səylər Rusiyanın 2022-ci ildə Ukraynanı işğalından sonra sürətlənib.
Zelenski Rusiyanın sərt tənqidinə məruz qalan qanun layihəsini avqustun 24-də, Ukraynanın müstəqilliyinin 31-ci ildönümündə imzalayıb.
Ukrayna lideri bu addımın ölkəsinin müstəqilliyini möhkəmləndirəcəyini bəyan edib.
Qanun layihəsinin qəbulundan sonra Rusiya Xarici İşlər Nazirliyinin sözçüsü Mariya Zaxarova Ukrayna parlamentinin qəbul etdiyi qərara reaksiya verib.
“Burada məqsəd əsl pravoslavlığı kökündən məhv etmək və yerinə saxta pravoslav kilsəsi yaratmaqdır”,- deyə Zaxarova bildirib.
