Bakı, AzerVoice
Banqladeşdə 1971-ci ildə Müstəqillik Müharibəsində xidmət etmiş şəxslərin övladları üçün dövlət sektorunda kvota ayrılması qərarına etiraz edən nümayişçilər BTV dövlət televiziyasının binasını yandırıblar.
AzerVoice xəbər verir ki, ölkədə Ali Məhkəmənin ötən ay kvota sisteminin yenidən tətbiq edilməsinə dair qərarından sonra başlayan tələbə etirazları davam edir.
Etirazçıların böyük bir qrupu dövlətə məxsus BTV-nin əsas qapısından binaya daxil olub. Qrup BTV-nin binasını, eləcə də dayanacaqda olan bir neçə avtomobil və motosikleti yandırıb.
Polis rəsmisi bildirib ki, bina yandırılan zaman vəzifədə olan polislərin demək olar ki, hamısı yaralanıb.
Hafiz Rufizoğlu
Xəbərlərimizi “WhatsApp” kanalımızdan oxuyun
