Bakı, AzerVoice
Livanın müvəqqəti baş naziri Necip Miqati ölkəsinin prioriteti İsrailin ərazisinə davam edən hücumlarını dayandırmaq və 2006-cı ildə İsrail və Hizbullah arasında müharibəyə son qoyan Birləşmiş Millətlər Təşkilatı Təhlükəsizlik Şurasının (BMT TŞ) 1701 saylı qətnaməsini yerinə yetirməkdir.AzerVoice ArabAZ-a istinadən xəbər verir ki, paytaxt Beyrutda Misirin xarici işlər naziri Bədr Abdulati ilə görüşən Miqati, Livanın 1701 saylı qətnaməni pozan hər hansı şərti rədd etdiyini vurğulayıb.
Miqati Livan hökumətinin BMT-nin Livandakı Müvəqqəti Qüvvələri (UNIFIL) ilə əməkdaşlıq çərçivəsində Livan ordusunun cənubda mövcudluğunu gücləndirməkdə qərarlı olduğunu vurğulayıb.
Digər tərəfdən Misirin xarici işlər naziri Abdulati mətbuat konfransında bildirib ki, hazırkı səylərdə mütləq prioritet Livanda “heç bir ilkin şərt olmadan” atəşkəsə nail olmaqdır. Misirli nazir ölkəsinin Livan ordusu və qurumlarına tam dəstəyini vurğulayıb.