AFFA-nın Sosial Ətraf mühit dayanıqlığı üzrə meneceri Kifayət Mustafayeva UEFA tərəfindən təyinat alıb. Bildirilib ki, o, UEFA Gənclər Liqasının liqa mərhələsində keçiriləcək “Qalatasaray” (Türkiyə) – “Union” (Belçika) oyununun UEFA nümayəndəsi olacaq. Görüş noyabrın 25-də İstanbulda yerləşən “Esenler Erokspor” stadionunda təşkil olunacaq.

MLS Şərq Konfransının yarımfinal qarşılaşmasında Inter Mayami səfərdə Cincinnati-ni 4:0 hesabı ilə məğlub edərək konfrans finalına vəsiqə qazanıb. Matçın əsas qəhrəmanı isə yenə komandanın ulduzu Lionel Messi olub. Görüşün 19-cu dəqiqəsində hesabı Lionel Messi açaraq oyuna nəzarəti Inter Mayaminin ələ keçirməsinə şərait yaradıb. İkinci hissədə isə argentinalı superulduz parlaq çıxışını davam etdirərək üç qol ötürməsi (asist) ilə komandasının hücum xəttini idarə edib.

Futbol üzrə Misli Premyer Liqasında XII tura yekun vurulub. Son oyun günündə 2 qarşılaşma keçirilib.

“FIFA series” turniri növbəti dəfə Azərbaycanda təşkil olunacaq. Bu barədə FIFA prezidenti Canni İnfantino sosial şəbəkə hesabında paylaşım edərək məlumat verib. Canni İnfantinonun paylaşımını diqqətinizə çatdırırıq: 2026-cı ilin mart və aprel aylarında beynəlxalq oyunlar pəncərəsi çərçivəsində “FIFA Series” turnirinin ilk genişmiqyaslı təşkilini təsdiqləməkdən məmnunam.

"Fənərbaxça" Türkiyə Super Liqasının 13-cü turunda səfərdə "Rizespor"un qonağı olacaq. İstanbul təmsilçisi oyuna ciddi itkilərlə çıxacaq. Müdafiəçi Nelson Semedo cəzalıdır. Yarımmüdafiəçilər Sebastian Şimanski ilə Edson Alvares isə zədəlidirlər.

UEFA "Qarabağ"ın Çempionlar Liqasının Liqa mərhələsindəki rəqiblərindən "Ayntraxt"ı (Frankfurt, Almaniya) cərimələnib. Bu barədə qurumun saytı məlumat yayıb. Almaniya təmsilçisinin cəzalandırılmasına səbəb klubun və azarkeşlərinin "Liverpul"la matçda qayda pozuntularına yol verməsi olub.

İngiltərənin Arsenal klubu, milli futbolçu Kenan Yıldızın transferi üçün məşhur menecer Jorge Mendes ilə Torinoda görüşüb. Transfer iddialarına görə London klubu, gənc ulduzun transferində üstünlük qazanmaq üçün Mendeslə əlaqələri gücləndirməyə çalışır. Yuventusun əsas oyunçularından sayılan Kenan Yıldızın dəyərinin artıq 90–100 milyon avro aralığında qiymətləndirildiyi bildirilir. Serie A-dakı çıxışı ilə Avropanın ən böyük potensiallarından biri kimi göstərilən 19 yaşlı hücumçu, keçən mövsüm bütün turnirlərdə 12 qol vurmuşdu. Bu mövsüm isə 16 matçda 3 qol və 5 asistlə parlaq performansını davam etdirir.

UEFA Çempionlar Liqasının Liqa mərhələsində "Qarabağ"ın rəqibi olan "Napoli"yə xəbərdarlıq edilib. Bu barədə qurumun mətbuat xidməti məlumat yayıb. UEFA-nın xəbərdarlığının səbəbi Neapol təmsilçisinin 4-cü turun PSV ilə matçında (2:6) əxlaq davranışları qaydalarını pozmasıdır. Baş məşqçi Antonio Kontenin qayda pozuntularına yol verdiyi bildirilib.

Misli Premyer Liqasında 12-ci tur davam edir. İkinci oyun günündə daha iki matç keçiriləcək. Əvvəlcə “Araz-Naxçıvan” Sumqayıtda “Turan Tovuz”u qəbul edəcək. Hazırda Tovuz klubu 22 xalla ikinci, Naxçıvan təmsilçisi isə 19 xalla altıncı pillədə qərarlaşıb.

22 noyabr 1986-cı ildə, cəmi 20 yaşlı amerikalı boksçu Mayk Tayson tarixə düşdü. O, yamaykalı çempion Trevor Berbicki 5 dəqiqə 35 saniyəyə nokauta göndərərək, bütün zamanların ən gənc ağır çəkili dünya çempionu oldu. Döyüşdən sonra menecerinə dediyi cümlə isə boks tarixinə düşdü.

Çelsinin ingilis ulduzu Koull Palmer evində yaşadığı bədbəxt hadisə səbəbindən zədələnib. Bir müddət meydanlardan uzaq qalacaq Palmer Barselona və Arsenal qarşılaşmalarında forma geyinməyəcək. İngilis futbolçunun qasıq zədəsi səbəbindən iki aylıq fasilədən sonra bu həftə yenidən əsas komanda ilə məşqlərə başlayacağı və yaxın vaxtlarda meydana qayıdacağı gözlənilirdi. 23 yaşlı futbolçu evində baş verən qəza nəticəsində sol ayağının kiçik barmağından aldığı zədə səbəbilə bir qədər daha uzun müddət meydana çıxmayacaq.

2026 Dünya Kuboku Avropa play-off mübarizəsində iştirak edəcək Türkiyə A Milli Futbol komandası, yarı finalda Rumaniya ilə üz-üzə gələcək. Oyun 26 mart 2026-cı il tarixində keçiriləcək və Millilər ev sahibi olacaq. 2026 Dünya Kuboku Avropa play-offunun püşkü İsveçrənin Zürich şəhərindəki FIFA Mərkəzində atılıb. E qrupunu ikinci sırada tamamlayan Millilər 1-ci torbadan püşkə qatılaraq, 4-cü torbadan Rumaniya ilə qarşılaşıb.