BAKI, AzerVoice, Fərid Mİkayılov
Çempionlar Liqasının Liqa mərhələsinin I turunda Benfikaya qalib gələn Qarabağ bu qələbəni Azərbaycan Prezidenti İlham Əliyevə həsr edib.
AzerVoice xəbər verir ki, bu barədə klubun prezidenti Tahir Gözel açıqlayıb.
O bildirib ki, Azərbaycan futbolu tarixinə Çempionlar Liqasının əsas mərhələsində əldə olunan ilk qələbə kimi düşən bu oyun ölkə başçısına həsr edilir.
“Bu qələbəni Qarabağın fatehi, tarixi şəxsiyyət, xalqın böyük və dahi rəhbəri, Ali Baş Komandan cənab İlham Əliyevə həsr edirik”- deyə o bildirib.
Qeyd edək ki, Qarabağ Portuqaliyadakı qarşılaşmada 0:2 hesabı ilə geri düşsə də, üç qol vuraraq əzmkar qələbə qazanıb – 3:2. Bu, Azərbaycan klublarının Çempionlar Liqasının əsas mərhələlərində ilk qələbəsi olub.