Bakı,AzerVoice
Barcelona-nın baş məşqçisi Hansi Flick Real Madridin gənc ulduzu Jud Bellinqemin hakimə "hörmətsizlik" etdiyini bildirib.
AzerVoice xəbər verir ki, ingiltərəli yarımmüdafiəçi Osasuna ilə oyunda 39-cu dəqiqədə hakim Xose Luis Munuera Montero-ya dediyi sözlərə görə birbaşa qırmızı vərəqə aldı.
21 yaşlı futbolçu sonradan hadisənin bir anlaşılmazlıq olduğunu və hakimi təhqir etmədiyini söyləyib.
"Komandada bir oyunçu var, o kapitan olaraq hakimlə danışmaq hüququna malikdir. Mən bu cür davranışı bəyənmirəm. Qırmızı vərəqə almaq zəiflik əlamətidir",- deyə Flik bildirib.
Qeyd edək ki, Bellinqem Real Madrid-də daha əvvəl yalnız bir dəfə – 2024-cü ilin martında Valensiya ilə 2:2 hesablı heç-heçə etdikləri oyundan sonra ikinci sarı vərəqəni alaraq meydandan qovulmuşdu.