İstanbul Boğazından 15 mil məsafədə, Qara dəniz sularında xam neft daşıyan Türkiyəyə məxsus "ALTURA" tankerinə pilotsuz uçuş aparatı (PUA) isabət edib. İstanbul mərkəzli "Pergamon Denizcilik" şirkətinə məxsus olan və 140 min ton neft yükləyən gəmidə güclü partlayış baş verib. Hadisə nəticəsində tankerin həm göyərtəsinə, həm də maşın bölməsinə ciddi ziyan dəyib. Verilən məlumata görə, gəmi maşın bölməsindən su almağa başlayıb. Hadisə yerindən gələn təcili yardım çağırışından sonra Sahil Mühafizə xidməti və "Nene Hatun" təcili müdaxilə gəmisi dərhal əraziyə cəlb olunub. Sevindirici haldır ki, gəmidəki 27 nəfərlik türk heyəti arasında xəsarət alan olmayıb və dənizçilərin sağlamlıq vəziyyəti yaxşıdır.

Türkiyənin xarici işlər naziri Hakan Fidan Çin Xalq Respublikasının xarici işlər naziri Van İ ilə telefon danışığı aparıb. Diplomatik mənbələrdən əldə edilən məlumata görə, müzakirələrin əsas mövzusu müharibənin dərhal dayandırılması və qlobal tədarük zəncirlərinin qorunması olub. Hakan Fidan və Çinli həmkarı Van İ arasında keçirilən görüşdə aşağıdakı strateji məqamlar vurğulanıb:

Türkiyənin Xarici İşlər naziri Hakan Fidan bu gün suriyalı, qətərli və özbəkistanlı həmkarları ilə apardığı telefon danışıqlarında regionda davam edən müharibənin gedişatını və hücumların dayandırılması istiqamətində həyata keçirilən diplomatik səyləri dəyərləndirib. Diplomatik mənbələrdən əldə edilən məlumata görə, nazir Hakan Fidan Suriyanın Xarici İşlər naziri Əsəd Həsən Şeybani, Qətərin Baş naziri və Xarici İşlər naziri Şeyx Məhəmməd bin Əbdürrəhman Al Sani və Özbəkistanın Xarici İşlər naziri Baxtiyor Saidov ilə ayrı-ayrılıqda görüşlər keçirib.

Türkiyə Böyük Millət Məclisinin (TBMM) sədri Numan Kurtulmuş Xorvatiyanın paytaxtı Zaqrebdə keçirilən "Üç Dəniz Təşəbbüsü Parlament rəhbərlərinin Sammiti"ndə çıxış edib. Türkiyənin bu təşəbbüsə ilk dəfə "strateji tərəfdaş" statusunda qatılmasının xüsusi əhəmiyyət kəsb etdiyini vurğulayan Kurtulmuş, ölkəsinin nəqliyyat, enerji və kommunikasiya dəhlizlərinin inkişafına mütləq prioritet verdiyini bildirib.

Türkiyənin Enerji və Təbii Sərvətlər naziri Alparslan Bayraktar ölkənin enerji müstəqilliyi hədəfi istiqamətində mühüm addımların atıldığını bəyan edib. Nazir bildirib ki, "Abdülhamid Han" qazma gəmisi sabah səhər saatlarından etibarən Qara dənizdə fəaliyyətə başlayacaq. Bununla yanaşı, aprel ayında "Fatih" gəmisi ilə yeni quyuların qazılması və Somali sahillərində araşdırmaların aparılması planlaşdırılır.

Türkiyənin ilk yerli və milli, istehsaldan birbaşa zirehli strukturda hazırlanan SUV avtomobili "TULGA 4x4"-ün təhlükəsizlik qüvvələrinə təhvil verilməsi prosesi başlayıb. BMC şirkətinin rəsmi açıqlamasına görə, avtomobil bütün taktiki qabiliyyət testlərini uğurla tamamlayaraq sahədəki missiyasına start verib. "Ballistik Qorumalı Patrul və Müdaxilə Avtomobili Layihəsi" çərçivəsində hazırlanan TULGA 4x4, daxili təhlükəsizlik personalının operativ ehtiyaclarını qarşılamaq məqsədilə xüsusi olaraq dizayn edilib.

Türkiyə Daxili İşlər Nazirliyi ölkə daxilində terrorla mübarizə tədbirləri çərçivəsində İŞİD (DEAŞ) terror təşkilatına qarşı genişmiqyaslı əməliyyat keçirildiyini açıqlayıb. Türkiyə Daxili Qoşunların Baş Komandanlığının Terrorla Mübarizə İdarəsi və Respublika Baş Prokurorluqlarının koordinasiyası ilə 24 vilayətdə eyni vaxtda həyata keçirilən reydlər nəticəsində ümumilikdə 88 şübhəli şəxs saxlanılıb.

Türkiyə Milli Müdafiə Nazirliyi (MSB), "Eurofighter Typhoon" layihəsi çərçivəsində təyyarələrin saxlanılması və istismarına dair texniki və logistik dəstək müqaviləsinin imzalanması barədə tərəflər arasında tam razılıq əldə olunduğunu açıqlayıb. Rəsmi səfərlə Londonda olan Milli müdafiə naziri Yaşar Gülər və İngiltərənin müdafiə naziri Con Hili (John Healey) arasında keçirilən görüşdə iki ölkə arasındakı müdafiə sahəsində əməkdaşlıq məsələləri müzakirə edilib. Görüşün əsas nəticəsi olaraq, döyüş təyyarələrinin gələcəkdə fasiləsiz istismarını təmin edəcək logistik dəstək müqaviləsi imzalanıb.

Türkiyədə bu il beşinci dəfə keçiriləcək Strateji Kommunikasiya Zirvəsində (STRATCOM) Yaxın Şərqdəki müharibə və beynəlxalq sistemdə baş verən dəyişikliklər geniş müzakirə olunacaq. Tədbirdə Türkiyə vitse-prezidenti Cevdet Yılmaz, xarici işlər naziri Hakan Fidan, Milli Kəşfiyyat Təşkilatının rəhbəri İbrahim Kalın, eləcə də 10 ölkədən 11 nazir və 60-dan çox yüksək səviyyəli rəsmi iştirak edəcək.

Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra xalqa müraciətində regional gərginliklər, xüsusilə ABŞ-İsrail və İran arasındakı müharibə fonunda ölkəsinin strateji mövqeyini və daxili təhlükəsizlik məsələlərini şərh edib. Dövlət başçısı Türkiyənin heç bir provokasiyaya yol verməyəcəyini və "Terrorçusuz Türkiyə" hədəfinə doğru qətiyyətlə irəlilədiyini vurğulayıb.

Türkiyə Milli Müdafiə Naziri Yaşar Gülər İngiltərəyə səfər edərək Eurofighter Typhonn döyüş təyyarələrinin tədarükü ilə bağlı görüşlər aparacaq. Türkiyə və İngiltərə arasında davam edən və ötən ilin oktyabr ayında Rəcəb Tayyib Ərdoğan və İngiltərə Baş naziri Kir Starmer arasında ilkin imzaların atıldığı “Eurofighter Typhonn döyüş təyyarələrinin tədarükü” layihəsi də gündəmdə olacaq.

Türkiyənin Milli Müdafiə Naziri Yaşar Gülər, Qətər Silahlı Qüvvələrinin helikopter qəzasında şəhid olanların nəşlərini Türkiyəyə gətirən Qətər heyətini qəbul edib. Qətər heyəti də şəhid olan Sinan Taştekin, ASELSAN texnikləri Süleyman Cemre Kahraman və İsmail Enes Can üçün Allahdan rəhmət, Türk xalqına isə başsağlığı və səbr arzulayıb.